ცოტა ხნის წინ ბათუმში, ყაზბეგის ქუჩაზე ინციდენტი მოხდა. ჩვენი ინფორმაციით, აჭარის უმაღლესი საბჭოს თავჯდომარის საცხოვრებელ კორპუსთან იჩხუბეს. სავარაუდოდ, ნაცემია დავით გაბაიძის დაცვის თანამშრომელი.
უმაღლესი საბჭოს თავჯდომარემ გვითხრა, რომ ინციდენტში პირადი დაცვის თანამშრომელი არ მონაწილეობდა.
„როდესაც ინციდენტის შესახებ შევიტყვე, ბუნებრივია შემთხვევის ადგილზე მივედი. საცხოვრებელი სახლი, სადაც მე ვცხოვრობ იქ არის საგუშაგო განთავსებული, სწორედ სახლის მცველსა და მოქალაქეს შორის მოხდა სიტყვიერი შელაპარაკება. ჩემი ინფორმაციით, დაცვის თანამშრომელის სიცოცხლეს საფრთხე არ ემუქრება და იგი თავს კარგად გრძნობს. სხვა დეტალები ჩემთვის უცნობია“ – განაცხადა დავით გაბაიძემ.
სახელმწიფო დაცვის სამსახურის ცხელ ხაზზე +(995 32) 299 02 02 ჩვენს სატელეფონო ზარებს არ პასუხობენ.
ფაქტზე შინაგან საქმეთა სამინისტრომ გამოძიება სისხლის სამართლის კოდექსის 353–ე მუხლით დაიწყო, რაც საზოგადოებრივი წესრიგის დამცველის ან ხელისუფლების სხვა წარმომადგენლის მიმართ წინააღმდეგობას, მუქარას ან ძალადობას გულისხმობს.
"TV 25"– ინციდენტის შესახებ დამატებითი დეტალების გარკვევას ამ დრომდე ცდილობს.
12
s
s
s