12, დეკემბერი 2018 14:06:00
შიდსის და C ჰეპატიტის ინტეგრირებული სკრინინგისა და ტუბერკულოზის გამოვლენის გაუმჯობესების მიზნით, საზოგადოებრივი ჯანდაცვის ცენტრმა კონფერენციას უმასპინძლა. შეხვედრაზე რეგიონში დაავადებებთან დაკავშირებულ დაგეგმილ ინოვაციებზე ისაუბრეს. საზოგადოებრივი ჯანდაცვის ცენტრის ინფორმაციით, სხვა რეგიონებისგან განსხვავებით, აჭარაში დაავადებათა გავრცელების მაღალი დონე ფიქსირდება. შეხვედრაზე მედიცინის წარმომადგენლები ესწრებოდნენ. აგვისტოდან დღემდე აჭარის მუნიციპალიტეტებში 84 ვიზიტი განხორციელდა. სკრინინგი 2915 ადამიანს ჩაუტარდა, აქედან 58 ც ჰეპატიტის, 1 აივ ინფექციის შემთხვევა დაფიქსირდა.