„ყველაფერი ვიცი და დაკისრებულ მოვალებას თავს გავართმევ“ - ქობულეთის მერიის ახალი პრესსამსახური
საზოგადოება
ქობულეთის მერიის პრესსამსახური სავარაუდოდ, ქეთევან სოლომონიძე იქნება, რომელმაც კონკურსში ყველაზე მაღალი შეფასება მიიღო. იგი პროფესიით, ჟურნალისტია.
მერიაში განმარტეს, რომ საზოგადოებასთან და მასმედიასთან ურთიერთობის სპეცილისტის და მთავარი სპეცილისტის ვაკანსიაზე სამი აპლიკანტი დარეგისტრირდა, გასაუბრების ეტაპზე კი ყველაზე მაღალი ქულით (16,5 პროცენტი) ქეთევან სოლომონიძე შეაფასეს.
ამ რგოლში ერთი ადგილი ისევ ვაკანტური დარჩა, რადგან კომისიამ გამარჯვებული ვერ გამოავლინა. კონკურსში სოლომონიძესთან ერთად მაკა ბაღიშვილი და გიორგი გრიგორიევიც მონაწილეობდა.
საკონკურსო კომისიის თავჯდომარის ინფორმაციით, ქეთევან სოლომონიძე „აჭარის საზოგადოებრივ მაუწყებელში“ მუშაობდა.
თეონა გეგიძეს ვკითხეთ კონკრეტულად რა პოზიციაზე მუშაობდა სოლომონიძე მაუწყებელში? თუმცა მას დაკონკრეტება გაუჭირდა და დაზუსტებისთვის დრო ითხოვა.
მოგვიანებით კი დაგვიკავშირდა და გვითხრა, რომ ქეთევან სოლომონიძე მაუწყებელში მხოლოდ სამთვიანი სტაჟირებით შემოიფარგლა.
„კონკურსანტს აქვს გამოცდილება, ჩვენ მაგალითად გამგებლისთვის მისალოცი წერილის დაწერა მოვთხოვეთ და დავალება სათანადოდ შეასრულა“ - აცხადებს თეონა გეგიძე, რომელიც აქვე დასძენს, რომ საკონკურსო კომისიისთვის მთავარი მაინც საორგანიზაციო საკითხებში გამოცდილი კადრის შერჩევა იყო.
გეგიძის ინფორმაციით, ქეთევან სოლომონიძე საბანკო სფეროში მუშაობდა, სადაც მისი მტკიცებით, საორგანიზაციო საკითხებში საკმარისი გამოცდილება მიიღო.
„თავს შევიკავებ დაკონკრეტებისგან, ალბათ ჩემი დანიშვნის შესახებ ბრძანება 10 სამუშაო დღეში დაიწერება“ - ასე გვიპასუხა ქეთევან სოლომონიძემ, რომელმაც არ დაგვიკონკრეტა კომისია გასაუბრებისას რა თემებით დაინტერესდა. სოლომონიძე თვლის, რომ ყველაფერი იცის და დაკისრებულ მოვალებას თავს გაართმევს.
„საზოგადოებასთან ურთიერთობის კუთხით მაქვს გამოცდილება, ვმუშაობდი სტაჟიორად ტელევიზიაში და ერთ-ერთ ჟურნალში. ყველაფერი ვიცი, რაც მევალება და არ გამიჭირდება მუშაობა“ - ამბობს სოლომონიძე.
ქეთევან სოლომონიძე, როგორც საკონკურსო კომისიაში აცხადებენ, თანამდებობაზე ერთ წლიანი გამოსაცდელი ვადით დაინიშნება.
ვენ ქობულეთის მერის პოზიციითაც დავინტრერესდით. მირიან ქათამაძეს ორჯერ დავუკავშირდით, თუცმა მან მოუცლელობის გამო ჩვენს შეკითხვებს ვერ უპასუხა.
საზოგადოებასთან და მასმედიასთან ურთერთობის სპეციალისტი ვაკანსია საჯარო სამსახურის ბიუროს ვებ-პორტალზე გამოქვეყნდა. კონკურსის ჩატარების შესახებ კი დაინტერესებული პირებისთვის და მედიასაშუალებებისთვის ინფორმაცია არ იყო ხელმისაწვდომი. უწყებას ამის შესახებ ოფიციალურ საიტზე და ფეისბუქის გვერდზე ინფორმაცია არ გამოუქვეყნებია.
5
s
s
s