21, დეკემბერი 2018 14:09:00
კურორტ „გოდერძიზე“ სეზონის ოფიციალური გახსნის ცერემონია გადაიდო. ამის მიზეზად უამინდობა დასახელდა. კურორტის საზოგადოებასთან ურთიერთობისა და მარკეტინგის სამსახურში განმარტეს, რომ სეზონი 28 დეკემბერს საზეიომო ვითარებაში გაიხსნება. ღონისზიებაზე დასწრების მსურველებს აჭარის ტურიზმის დეპარტამენტი უფასო ტრანსპორტირებით უზრუნველყოფს. გაიმართება ახალი ვიდეორგოლის პრეზენტაციაც. ამ ეტაპზე კურორტზე მოსამზადებელი სამუშაოები დასრულებულია. სასრიალო ტრასა და კოტეჯები ვიზიტორების მისაღებად მზადაა.