მომდენო სიუჟეტში კი ამ ღონისძიების მეორე მხარეზე მოგიყვებით. საქმე ისაა რომ ბათუმის მერიის მიერ დაფინანსებყული საღამოს წამყვანი აჭარის საზოგადოებრივი მაუწყებლის თანამშრომელი იყო. უქმნის თუ არა უხერხულობას ბესიკ ჩიბურდანიძეს ის გარემოება, რომ პროფესიით ჟურნალისტი სხვადასხვა ღონისძიების წამყვანად გვევლინება? რატომ მონაწილეობენ საზოგადოებრივი მაუწყებლის თანამშრომლები ბიუჯეტიდან დაფინანსებულ აქტივობებში? რა იწვევს ამას? დაბალი შრომითი ანაზღაურება თუ დასაქმებულების არაინფორმირებულობა?
ეს ღონისძიება პირველი და ერთადერთი არ არის, რომელიც ბესიკ ჩიბურდანიძის მონაწილეობით იმართება. აჭარის საზოგადოებრივი მაუწყებლის თანამშრომელი გუშინ, ბათუმის მერიის მიერ დაკვეთილი ღონისძების წამყვანი იყო. თვლის, რომ ამით კანონი არ დაურღვევია და არც უხერხულობის მომენტი აქვს. გვარწმუნებს, რომ ვიდრე შეთავაზებას დასთანხმდებოდა ამის შესახებ მის უშუალო უფროსს აცნობა, რაზეც თანხმობა მიიღო.
ირკვევა, რომ ბესიკ ჩიბურდანიძის უშუალო ხელმძღვანელს მენეჯმენტისთვის ეს ინფორმაცია არ მიუწოდებია. თუმცა ამაში პრობლემას ვერც მაუწყებლის საკადრო ბაზის განვითარების სამსახურში ხედავენ, რადგან აქ თვლიან, რომ მათ თანამშრომელს საჯარო უწყების მიერ დაფინანსებულ ღონისძიებაში მონაწილეობით კანონი არ დაურღვევია.
ჟურნალისტიკის რესურსცენტრში მიაჩნიათ, რომ საზოგადოებრივი მაუწყებლის თანამშრომლის მიერ მსგავსი სახის ღონისძიებებში მონაწილეობა აუდიტორიის უპატივცემულობას ნიშნავს. ნათია კუპრაშვილის რეკომენდაციით, მენეჯმენტმა თანამშრომლები უნდა შეკრიბოს და კანონით გათვალისწინებული სანქციები ასევე, მოთხოვნები უნდა გააცნოს.
აჭარის საზოგადოებრივი მაუწყებლის თანამშრომლების სხვადასხვა ღონისძიებაში მონაწილეობის ეს პირველი შემთხვევა არ ყოფილა. საპრეზიდენტო არჩევნებამდე რამდენიმე დღით ადრე დილის გადაცემის წამყვანი მმართველი გუნდის მიერ მხარდაჭერილი კანდიდატის წინასაარჩევნო კამპანიაში იყო ჩართული. მწვავე შეფასებების ფონზე მენეჯმენტმა მოკვლევა დაიწყო, რის შემდეგაც სოფო ხალვაში დროებით ეთერიდან მოიხსნა, მოგვიანებით კი მხარეებს შორის შრომითი ხელშეკრულება შეწყდა.
გარდა ამ შემთხვევებისა, აჭარის საზოგადოებრივი მაუწყებლის თანამშრომლები საბიუჯეტო და კერძო ორგანიზაციებში პარალელურ რეჯიმში მუშაობენ. ასეთი სულ ტელევიზიიდან მოწოდებული ინფორმაციის თანახმად, ათამდე დასაქმებულია.
ის თანამშრომლები, რომლებიც პარალელურად სხვა სამსახურებშიც მუშაობენ მაუწყებლის ადმინისტრაციამ წერილობით უკვე გააფრთხილა.
ცნობისთვის ტელევიზიასა და დასაქმებულს შორის გაფორმებული ხელშეკრულება ნებისმიერ სხვა სამსახურში მუშაობას კრძალავს, გარდა პედაგოგიური და სამეცნიერო საქმიანობისა. მაუწყებლის ქცევის კოდექსის მიხედვით ინტერესთა კონფლიქტის ასაცილებლად მენეჯმენტმა ყველა სათანადო ზომა უნდა მიმართოს.
10
s
s
s