26, დეკემბერი 2018 17:02:00
ბათუმის ბოტანიკური ბაღის ადმინისტრაციის ინიციატივით, გირჩების გამოფენა-გაყიდვა გაიმართა. ტრადიციულად ქცეულ რიგით მეოხუთე გამოფენაზე 70-ზე მეტი სახეობის გირჩა იყო წარმოდგენილი. ბაღის თანამშრომლებმა საახალწლო სათამაშოები, დეკორატიული ნივთები და სხვა სახის სუვენირები შექმნეს. გამოფენის გარდა გირჩისგან დამზადებული ხელნაკეთი ნივთების შეძენაც იყო შესაძლებელი. სტუმრებს საშუალება ჰქონდათ არმანდიის ფიჭვის, როქსბურგის ჰიმალაურის, ქოლგისებური და სხვადასხვა სახის წიწვოვან მცენარეთა ნაყოფი დაეთვალიერებინა.