12, იანვარი 2017 05:16:00
კიდევ ერთი ყოფილი ოპოზიციონერი სამთავრობო გუნდში. აჭარის ტურიზმისა და კურორტების დეპარტამენტის უროსის მოადგილედ ჯაბა ბერიძე დაინიშნა. იგი პარტია "თავისუფალი დემოკრატების" ყოფილი წევრია. ბერიძე უწყებაში შესყიდვებისა და ფინანსების მიმართულებას უხელმძღვანელებს. ტურიზმის დეპარტამენტის თავმჯდომარის განმარტებით, კანდიდატურა იმ გამოცდილების მიხედვით შეარჩია, რაც ჯაბა ბერიძემ აჭარის საარქივო სამმართველოში ანალოგიურ პოზიციაზე მუშაობისას დააგროვა. ტურიზმის დეპარტამენტის თავმჯდომარის ახალი მოადგილე ბათუმის საკრებულოს დამოუკიდებელი დეპუტატი და ფრაქცია "ბათუმის" წევრია. იგი მანდატის დათმობას არ აპირებს და ამბობს, რომ ეს კანონთან წინააღმდეგობაში არ მოდის. რაც შეეხება პირველ მოადგილეს, სოფიო ლაზიშვილმა ეს პოზიცია შეინარჩუნა. იგი დეპარტამენტში რამდენიმე წელია მუშაობს.