28, დეკემბერი 2018 14:09:00
გრიპის სეზონთან დაკავშირებით მოსახლეობისთვის ბათუმის პირველადი ჯანდაცვის ცენტრები საგანგებო რეჟიმში იმუშავებენ. პოლიკლინიკები შაბათსა და კვირას პაციენტებს 10 საათიდან 14 საათამდე მოემსახურებიან. დღეის მდგომარეობით ჰოსპიტალურ შემთხვევათა რაოდენობა 126-ია, მათ შორის 80 მცირეწლოვანია. საზოგადოებრივი ჯანდაცვის ცენტრის ინფორმაციით, ამ ეტაპზე დაავადებათა გავრცელება თითქმის იდენტურია გასული წლების სეზონთან შედარებით. რეგიონში ლაბორატორიულად აღებული 21 ნიმუშიდან ღორის გრიპის 3 შემთხვევა დადასტურდა.