ქობულეთს მომავალი წლის ფინანსური დოკუმენტი აქვს. 2019 წლის ბიუჯეტი 31 მილიონ ლარზე მეტია. რა გაკეთდება სამომავლოდ ტურისტულ ქალაქში ანუ რა ჩათვალა პრიორიტეტად მუნიციპალიტეტის ხელმძღვანელმა პირებმა?
ხმაურისა და დაპირისპირების ფონზე მიმდინარეობდა საკრებულოს სხდომა ქობულეთში. ამის მიზეზი, 2019 წელს სასტუმრო „ოაზისის“ მიმდებარედ გზაგამტარის მშენებლობის დაწყება და მიმდებარე ტერიტორიის კეთილმოწყობის სამუშაოების განხორციელებაა, რომლისთვისაც ბიუჯეტიდან 1 424 840 ლარი გამოიყო. „ნაციონალური მოზრაობის“ წევრები თვლიან, რომ ეს სასტუმროს პრეროგატივაა და მუნიციპალიტეტი ამ მიამრთლებით თანხებს არ უნდა ხარჯავდეს. ბონდო თედორაძის მტკიცებით, არჩევნების დროს სასტუმროს წარმომადგენლობა მმართველ გუნდს უჭერდა მხარს, ინფრასტურტურის მოწესრიგებით კი ვალის გადახდა მიმდინარეობს.
დეპუტატებს შორის დაპირისპირების მიზეზი ასევე, სპორტსკოლის მშენებლობის საკითხი გახდა. ოპოზიციის წარმომადგენლების განცხადებით, მუნიციპალიტეტის ერთ-ერთი მთავარი პრიორიტეტი მისი დროული მოწესრიგება უნდა ყოფილი. მერიამ 2019 წელს კომპლექსის მშენებლობისთვის 215 800 ლარი გამოყო.
ქობულეთის 2019 წლის ბიუჯეტი 31 მილიონ 236 ათას ლარით განისაზღვრა. ტურისტული ქალაქის ძირითადი პრიორიტეტი ინფრასტრუქტურული პროექტებია. იგეგმება ურბანული განვითარება, გარე პერიფერიების მოწესრიგება, სანაპირო ზოლში ახალი პარკის მშენებლობა, სპორტული მოედნების მოწყობა და მრავალბინიანი საცხოვრებელი სახლების ეზოს ტერიტორიაზე სკვერის აშენება.
რაც შეეხება ჯანდაცვისა და სოციალურ პროგრამებს - ბიუჯეტში ამ მიმართულებით 2019 წლისთვის 900 ათასზე მეტი ლარია გათვალისწინებული. პროგრამები უცვლელია, თუმცა მესამე და მეტ ახალშობილზე ერთჯერადი მატერიალური დახმარება 100 ლარით გაიზარდა. ჯამში კი აღნიშნულ პროგრამაზე 50 000 ლარი დაიხარჯება.
ქობულეთის 2019 წლის ბიუჯეტის დამტკიცებას „ნაციონალურმა მოძრაობამ“ დღეს მხარი არ დაუჭირა.
11
s
s
s