კურორტ ,,გომარდულის“ აქციონერებმა მილიონ 132 ათასი ლარის დავალიანების ჩამოწერის სანაცვლოდ, 20 ათასი ლარი გადაიხადეს და 40 ჰექტარი მიწის ფართობი სახელმწიფოს დაუბრუნა. მიუხედავად ამისა, კურორტს არც ყადაღა მოეხსნა და ვერც ვიზიტორების მიღებას ახერხებს.
ეს განცხადება რეგიონის პირველმა პირმა, 30 ნოემბერს, მთავრობის გასვლით სხდომაზე გააკეთა. გომარდულის აქციონერებმა, მოლაპარაკების პირობები შეასრულეს, თუმცა თავი ახალმა ვალდებულებებმა იჩინა. ერთ-ერთი აქციონერი პირად საუბარში გვეუბნება, რომ ახალი დავალიანების შესახებ, მათთვის პრემიერის განკარგულების შემდგე გახდა ცნობილი.
მაშინ, როცა აჭარის მთვარობის თავმჯდომარე კურორტის გახსნას აანონსებდა, აქციონერების მიმართ შესაძლო დამატებითი ფინანსური ვალდებულებების წარმოშობის შესახებ, ფინასნთა და ეკონომიკის სამინისტროსთვის არ იყო ცნობილი. ეს უკანასკნელი სააქციო საზოგადოება ,,გომარდულის“ წილის მფლობელია.
იმის შესახებ, რომ კურორტს ისევ ყადაღა ადევს, ინფორმაციას არ ფლობს შუახევის მუნიციპალიტეტის მერი. უფრო მეტიც, ფრიდონ ფუტკარაძე ირწმუნება, რომ თვის ბოლოს კურორტი გრანდიოზულად გაიხსნება.
ის, რომ კურორტი ისევ დაყადაღებულია, ადასტურებენ შემოსავლების სამსახურშიც. მათ მიერ მოწოდებული ინფორმაციით, დავალიანება გასული წლის 15 ნოემბერს, დეკლარირებული მიწის გადასახადიდან წარმოიშვა. დავალიანების გადავადებასთან დაკავშირებით, სააქციო საზოგადოება ,,გომარდულის“ აქციონერებმა, უწყებას შესაბამისი განცხადებით უნდა მიმართონ.
6
s
s
s