17, იანვარი 2019 14:09:00
2013 წლიდან დღემდე რეგიონში ბუნებრივი აირის გაჟონვის 10-მდე შემთხვევა დაფიქსირდა. მათ შორის რამდენიმე აფეთქება მაშტაბური იყო. როგორია მოვლენათა ქრონოლოგია ?
2013 წელი, აფეთქება ფიროსმანისა და ჯავახიშვილის ქუჩების კვეთაში. შემთხვევა ბუნებრივი აირის მონტაჟის კარბიდის ბალონის აფეთქებამ გამოიწვია. შედეგად ორი ადამიანი დაშავდა.
მოძრავი გაზგასამართი სადგური აფეთქდა ქობულეთშიც. 2014 წელს მომხდარ შემთხვევას, ,,ფორდის“ ტიპის ავტომობილის და მასში მსხდომი მგზავრების დაზიანება მოჰყვა.
ისევ ქობულეთი და ისევ ბუნებრივი აირი. 2015 წელს მომხდარი შემთვხვევის შედეგად, ერთი ადამიანი დაშავდა. დაინგრა საცხოვრებელი სახლის კედლები.
სრულად დანგრეული ერთი და დაზიანებული 15 საცხოვრებელი. ასეთია 9 მარტის ქუჩაზე მომხდარი ბუნებრივი აირის გამათბობლის აფეთქების შედეგები. შემთხვევა 2016 წლის მარტში მოხდა.
ამ ფაქტიდან ერთ თვეში, კიდევ ერთი აფეთქება მოხდა. კომახიძის 117 ნოემრში, ბუნებრივი აირის გაჟონვის შედეგად, ერთი მოქალაქე დაშავდა და დაზიანდა საცოხვრებელი კორპუსი.
აფეთქების სერიები 2017 წელსაც გაგრძელდა. შემთხვევათა მაჩვენებელმა წინა წლებთან შედარებით, იმატა. 16 აგვისტოს, გენერალ აბაშიძის ქუჩის 127 ნომერში, თხევადი აირის სადგურის აფეთქების შედეგად, რამდენიმე ადამიანი მძიმედ დაშავდა, ორი სახლი კი, სრულად დაინგრა.
აფეთქება მოხდა 2017 წლის ბოლოსაც. ახვლედიანის ქუჩაზე. 10 დეკემებრს მომხდარმა შემთხვევამ კორპუსი მთლიანად დააზიანა. დაშავდა რამდენიმე მოქალაქე და ტერიტორიაზე არსებული ინფრასტრუქტურა.
სავარაუდოდ, ბუნებრივი აირის გაჟონვამ გამოიწვია აფეთქება ფიროსმანის ქუჩაზე მდებარე კვების ობიექტშიც. შედეგად შენობის კედლები და მიმდებარე ტერიტორიაზე მგომი ავტომობილებიც დაზიანდა.
„მაცნეს“ არქივში შემონახული მსგავსი ფაქტების ირგვლივ შინაგან საქმეთა სამინისტროს გამოძიება დაწყებული აქვს, თუმცა ცალკეულ შემთხვევაზე კონკრეტული შედეგი დღემდე არ დამდგარა.