რატომ გახშირდა ბოლო რამდენიმე წლის განმავლობაში გაზით გამოწვეული აფეთქებების შემთვევები და რატომ გვაქვს მზარდი სტატისტიკა? -მოქალაქეების დაბალი ცნობიერება , კომპანიების არაეფექტური მუშაობა თუ სახელმწიფოს მხრიდან სუსტ კონტროლი?
სამოქალაქო საზოგადოების განვითარების ინსტიტუტში ამბობენ, რომ ხელისუფლება უსაფრთხოების ნორმებთან დაკავშირებით მხოლოდ ფატალური შედეგების შემდეგ ფხიზლდება და განცხადებებს პოსტ ფაქტუმ აკეთებს. თუმცა ადექვატური რეაგირება არც ადამიანების გარდაცვალების შემდეგ არის.
„დემოკრატიის ინსტიტუტის“ აღმასრულებელ დირექტორს მიაჩნია, რომ სახელმწიფოს უპირველესი მოვალეობაა ადგენდეს უსაფრთხოების სტანდარტებს და აკონტროლებდეს მათ შესრულებას. არჩილ ხახუტაიშვილი კომპანიისა და მომხმარებლების პასუხისმგებლობაზეც საუბრობს და ამბობს, რომ ადამიანებმა საკუთარ უსაფრთხოებაზე თავადაც უნდა იზრუნონ.
საქართველოს ახალგაზრდა იურისტთა ასოციაციაში განმარტავენ, რომ სახელმწიფო უსაფრთხოების მხრივ სემეკის დადგენილებით და მთავრობის რეგლამენტით ხელმძღვანელობს. პაატა დიასამიძის თქმით, აღნიშნულ დოკუმენტებში რიგი საკითხების მკვეთრად გამოკვეთაა საჭირო.
ბოლო წლების განმავლობაში მომხდარ ფაქტებთან დაკავშირებით პასუხი კანონის წინაშე არავის უგია. დაიწყებს თუ არა სახელმწიფო უსაფრთხოების ნორმების კონტროლის გამკაცრებაზე ზრუნვას დრო გვიჩვენებს.
6
s
s
s