22, იანვარი 2019 17:11:00
ოპოზიცია აჭარის სოფლის მეურნების სამინისტროს საქმიანობას უარყოფითად აფასებს. „ნაციონალური მოძრაობის“ წევრი უწყებას იმ პროგრამებს უწუნებს, რომლებიც მეციტრუსე და მეთხილე ფერმერებისთვისაა გათვლილი. ბონდო თედორაძის თქმით, ამ მიმართულებით 2019 წლის ბიუჯეტში თანხები შემცირდა, რაც მისი მოსაზრებით არასწორი გადაწყვეტილებაა. ქობულეთის საკრებულოს დეპუტატის მტკიცებით, ამით ფერმერები დაზარალდებიან და მათი სოციალური მდგომარეობაც გაუარესდება.