ძვირად ღირებული პროექტები ქედაში. მიმდინარე წელს მუნიციპალიტეტის მერია მილიონ ნახევარ ლარამდე თანხას საგზაო ინფრასტრუქტურის მოსაწესრიგებლად დახარჯავს. კიდევ რა ჩათვალა პრიორიტეტად უწყებამ 2019 წლისთვის ? სიუჟეტიდან გაიგებთ
2019 წელს ქედის მერია, მუნიციპალური ბიუჯეტის თითქმის ნახევარზე მეტს, ინფრასტრუქტურისა და კომუნალური სერვისების განვითარებაზე დახარჯავს.
ინფრასტრუქტურის გამართვისთვის გაწერილი ბიუჯეტიდან ყველაზე დიდი თანხა, მილიონ 315 500 ლარი, საგზაო ინფრასტრუქტურის მოწესრიგებაზეა გაწერილი, 565 000 ლარით, შიდა სასოფლო გზების რეაბილიტაცია, 100 000 ლარით გარე განათებისა და 650 000 ლარით სოფელ ქოსოფელში, დუმბაძეების უბანში ახალი ხიდის მშენებლობაა დაგეგმილი. წელს განსახორციელებელ პროეტებს შორისაა დაბისა და მახუნცეთის ტერიტორიების კეთილმოწყობაც, სოფელ ზუნდაგაში, სასმელი წყლის სისტემის მშენებლობა, მდინარე აკავრეთასა და აჭარისწყლის ნაპირგამაგრება, პარკის კეთილმოწყობა და პირველმაისში ხუთსართულიანი სახლის მშენებლობა, რისთვისაც 800 000 ლარია გამოყოფილი.
ქედის საკრებულოს ოპოზიციონერი წევრი, აცხადებს, რომ მერიამ პრიორიტეტული ინფრასტრუქტურული პროექტები სწორად გაწერა, თუმცა აღნიშნავს, რომ არის შემთხვევები, როდესაც ერთსა და იმავე პრობლემის მოსაგვარებლად მერია სოლიდურ თანხებს ისე ხარჯავს, რომ პრობლმა ვერ გვარდება.
ძვირადღირებული პროექტი, რაზეც მერია თანხებს კიდევ ერთხელ დახარჯავს ასეთი - პარკის კეთილმოწყობა, ნაპირგამაგრება და სოფელ ქოსოფელში, დუმბაძეების უბანში საატომობილო გზის პროექტია.
დუმბაძეების უბანში, საავტომობილო გზის დაუსრულებელ პროეტში გასულ წელს დახარჯულ თანხებთან დაკავშირებით მერის მოადგილე ასეთ განმარტებას აკეთებს:
ქედის მერიას 2019 წელს, ინფრასტრუქტურისა და მუნიციპალური კომუნალური სერვისების განვითარებაზე სულ 5 მილიონ 725 500 ლარი აქვს გამოყოფილი, აქ განმარტავენ, რომ თანხა მზარდი იქნება, დამატებით ფინანსების მოძიებას კი ბიუჯეტის კორექტირებისას ელოდებიან.
სიუჟეტი ამერიკის საელჩოს ფინანსური მხარდაჭერითაა მომზადებული.
8
s
s
s