უკიდურესად გაჭირვებული ოჯახი, რომელსაც სოციალური დახმარება მოუხსნეს. დედა-შვილი 180 ლარიანი პენსიის იმედად ცხოვრობს. უჭირთ კომუნალური გადასახადების დაფარვა და მედიკამენტების შეძენა. დაეხმარება თუ არა სახელმწიფო ფერაძეებს?
უკიდურესად გაჭირვებული ფერაძეები წლების განმავლობაში თავს 180 ლარიანი პენსიით ირჩენენ. ოჯახში ჯანმრთელობის პრობლემების მქონე მოხუცი ცხოვრობს. გულნაზ ფერაძე ამბობს, რომ დედისთვის მედიკამენტების ყიდვასაც ვერ ახერხებს. მიმართეს სოციალური მომსახურების სააგენტოს, თუმცა პასუხი უარყოფითი მიიღეს.
ოჯახს კომუნალური გადასახადების დაფარვაც უჭირს. დედა-შვილს საკვები პროდუქტებით ერთადერთი ახლობელი ეხმარება.
ბათუმის სოციალურ სააგენტოში განმარტეს, რომ ოჯახმა უწყებას განცხადებით ხელახლა უნდა მიმართოს. ოჯახის წევრებმა უწყებას ჯანმრთელობის მდგომარეობის შესახებ ცნობაც უნდა წარუდგინონ.
ბათუმის მერიაში სიტყვიერად განმარტეს რომ ოჯახმა უწყებას იმ მედიკამენტების ჩამონათვალი უნდა წარუდგინოს, რომლის შეძენის საშუალება არ აქვს. ჯანდაცვის სამინისტროში კი თქვეს, რომ ფუნქციურ საწოლს მოქალაქეს იმ შემთხვევაში გადასცემენ, თუ მას შშმ პირის სტატუსი აქვს. ენერგო პრო ჯორჯიას აჭარის ფილიალში კი განაცხადეს, რომ საკითხს იკვლევენ და იმ შემთხვევაში, თუ მრიცხველის მუშაობაში ხარვეზები დაფიქსირდება, კომპანია გახარჯული ელექტრო ენერგიის საფასურში კორექტირებას შეიტანს.
13
s
s
s