გუშინ მედიასივრცემ ცნობილი ტელეწამყვანი და ჟურნალისტი დაკარგა. 34 წლის ლევან ჩხაიძე საზღვარგარეთ , სავარუდოდ თრომბის შედეგად გარდაიცვალა. დაღუპულს გლოვობენ კოლეგები, მეგობრები და ახლობლები.
ჟურნალისტთა საერთაშორისო ფედერაციის ინფორმაციით, 2018 წელს 94 ჟურნალისტი გარდაიცვალა, ამ მონაცემებს ლევან ჩხაიძის დაღუპვის ფაქტის შეემატა. რეპორტიორები სხვადასხვა პროფესიული მოვალეობის შესრულებისას დაიღუპნენ. TV პირველის წამყვანი კი ბუდაპეშტში მეგობრებთან ერთად იმყოფებოდა, რომელიც წინასწარი ინფორმაციით, თრომბის შედეგად გარდაიცვალა.
პირველად იყო რადიო „ჯაკო“, შემდეგ ტელეკომპანია „იმედი“, „მაესტო“, „მეცხრე არხი“, „იბერია“, ბოლოს კი „ტვ პირველი“ დღის ამბების წამყვანი. აქტიურ ჟურნალისტიკაში 10 წელია, რაც მოღვაწეობს.
ტელეკომპანია „პირველში“ ჟურნალისტ ლევან ჩხაიძის სამძიმრის წიგნი გაიხსნა. მასში ჩანაწერებს ის რესპონდენტებიც აკეთებენ, რომლებიც ჩხაიძის გადაცემის სტუმრები იყვნენ. კოლეგები მასთან ერთად იმ სამუშაო პროცესს იხსნებენ, როდესაც ერთ სივრცეში და ორგანიზაციაში მუშაობდნენ.
„კარგი მეგობარი და საუკეთესო ტელეწამყვანი“-ასე აფასებს ლევან ჩხაიძეს ჟურნალისტი მაია შავაძე. ამბობს, რომ მასთან 2 წლიანი მუშაობის პერიოდში სტრესულ რეჟიმშიც კი კომუნიკაციის პრობლემა არასდროს ჰქონია.
მიუხედავად იმისა, რომ პირადად არასდროს უნახავს მაინც ახლო ურთიერთობა ჰქონდა თამუნა ხოზრევანიძესაც. იგი ლევან ჩხაიძეს იგივე ჯაკოს დიდი გულის მქონე ადამიანს უწოდებს.
ლევან ჩხაიძე 33 წლის ასაკში, გუშინ გარდაიცვალა. საქართველოს საგარეო საქმეთა სამინისტროს ინფორმაციით, საკონსულო ჩართულია და დაწყებულია გადმოსვენების პროცედურებზე მუშაობა.
„TV 25“-ის საინფორმაციო სამსახური ღრმა მწუხარებას გამოთქვამს ლევან ჩხაიძის გარდაცვალების გამო. ვუსამძიმრებთ მის ოჯახს და კოლეგებს.
13
s
s
s