ოთხი წლის ბავშვმა სავარაუდოდ სადეზინფექციო საშუალება დალია. შემთხვევა ბათუმის 31-ე საბავშვო ბაღში 2 დღის წინ მოხდა. გოგონა დედაქალაქში სამედიცინო დაწესებულებაშია მოთავსებული. მისი ჯანმრთელობის მდგომარეობა სტაბილურია. ვინ უნდა აგოს პასუხი მომხდარზე? ფაქტის მოკვლევა შინაგან საქმეთა სამინისტრომ უკვე დაიწყო.
ეს ის სადეზინფექციო ხნარია, რომელიც ბათუმის 31-ე საბავშო ბაღის აღსაზრდელმა, სავარაუდოდ, დალია. ოთხი წლის გოგო უკვე მეორე დღეა, რაც მკურნალობას იაშვილის სახლეობის ბავშვთა კლინიკაში გადის. ექიმის თქმით, მისი ჯანმრთელობის მდგომარეობა სტაბილურია.
შემთხვევა ორი დღის წინ მოხდა. აღმზრდელის თანაშემწის თქმით, სასწავლო პროცესის დაწყებამდე, ბაღში ყოველდღიური სადეზინფექციო სამუშაოები თითქმის დასრულებული ჰქონდა და ნარჩენი ხსნარის კონტეინერში მოსათავსებლად, სამზარეულოში შევიდა. აღნიშნული სითხე სწორედ აქ ინახავდნენ.
დაწესებულებაში ამბობენ, რომ სადეზინფექციო ხსნარით ბაღში, ყოველდღიურად, ზედაპირებს ამუშავებენ. გამგის თამილა ბოლქვაძის თქმით, სითხე ჰერმეტულად, ბავშვებისთვის მიუწოვდომელ ადგილას ინახება.
ფაქტზე დისციპლინური საქმის წარმოება უკვე დაწყებული აქვს ბათუმის საბავშვო ბაღების გაერთიანებას. დირექტორის თქმით, სოწრედ, ამის შემდეგ გახდება ცნობილი რამ გამოიწვია შემთხვევა.
ვიდრე საქმეზე დისციპლინური მოკვლევა დასრულდება, მანამდე აღმზრდელის თანაშემწე ბაღში მუშაობას აგრძლებებს. იმ შემთხვევაში კი, თუ ბაღების გაერთიანება მომხდარში ძიძის ბრალეულობას დაინახავს, შესაძლოა იგი სამსახურიდან გაათავისუფლონ. მოზარდის მშობლებმა დღეს ჩვენთან საუბარი არ ისურვეს.
8
s
s
s