„ქედის ეტალონი მოსწავლე ახოს საჯარო სკოლის მოსწავლე გახდა. ნიკა გეგიძის ფინალურ კონკურსში მონაწილეობას მუნიციპალიტეტის მერია დააფინანსებს. როგორი იყო გზა ინტელექტუალური შეჯიბრის გამარჯვებულის ტიტულამდე?
ინტელექტუალურ შეჯიბრში, 72 ქულით „ქედის ეტალონი მოსწავლის“ ტიტული ახოს საჯარო სკოლის, მე-10 კლასის მოსწავლე, ნიკა გეგიძემ მოიპოვა, რომელიც 15 ივნისს, თბილისში დაგეგმილ, ეტალონის დასკვნით ეროვნულ ინტელექტუალურ ჩემპიონატში მიიღებს მონაწილეობას, სადაც 2018-2019 წლის სასწავლო წლის „საქართველოს ეტალონი მოსწავლე“ გამოვლინდება.
ახოს საჯარო სკოლიდან ეტალონში სულ ორი მოსწავლე მონაწილეობდა.
დედაქალაქში, თავისუფლების მოედანზე, ღია სივრცეში, ამ ტიტულის მოსაპოვებლად, ქვეყნის ყველა მუნიციპალიტეტის გამარჯვებული 75 მოსწავლე მიიღებს მონაწილეობას.
ქედის მუნიციპალიტეტის მერის, ინფორმაციით, ეტალონის ფინალურ თამაშში მონაწილეობის მისაღებად, ნიკა გეგიძეს მგზავრობას, მერიის სპეციალური პროგრამით დაუფინანსებენ.
ეტალონი დაბა ქედის საჯარო სკოლის სპორტ დარბაზში ჩატარდა.
16
s
s
s