29, იანვარი 2019 19:15:00
საგანგებო სიტუაციების მართვის სამსახურის აჭარის სამმართველოს დირექტორმა თანამდებობა დატოვა. ირაკლი თოიძე საკუთარი განცხადების საფუძველზე გაათავისუფლეს. იგი სამმართველოს ხელმძღვანელად 2018 წლის 1 თებერვალს დაინიშნა. მანამდე თოიძე გენერალურ ინსპექციაში, ოპერატიული უზრუნველყოფის მთავარი სამმართველოს მე-3 სამმართველოს უფროსი იყო. საგანგებო სიტუაციების მართვის სამსახურის აჭარის სამმართველოს უფროსის მოვალეობას კი ამ დროისათვის ხუსეინ სირაბიძე ასრულებს, რომელიც აქამდე ირაკლი თოიძის მოადგილე იყო.