29, იანვარი 2019 20:02:00
ქედის მერმა თანამშრომლების მიმართ განსაკუთრებული მადლიერება გამოხატა. ლევან გორგილაძემ ეს დამოკიდებულება პრემიებში ასახა. უწყებაში დასაქმებული 88 თანამშრომლიდან დამატებითი თანხა 88-ვემ მიიღო. ოღონდ განსვავებული ოდენობით. სიუჟეტიდან გაიგებთ ვის რამდენად შეუფასა მუნიციპალიტეტის პირველმა პირმა ხალხზე ზრუნვა ისევ ხალხის ფულით?
ნანი თებიძე, ქედის მერიაში დასაქმებული იმ სამი თანამშრომლიდან ერთ-ერთია, რომელმაც მერმა საუკეთესო თანამშრომლად შეაფასა.
ჯილდო ქედის მერიაში დასაქმებულმა ყველა თანამშრომელმა მიიღო. მერი ამბობს, რომ თანამშრომლები 2018 წელს შესრულებული სამუშაოს ხარისხის მიხედვით შეაფასა და პრემიის პროცენტული მაჩვენებელიც ასე განსაზღვრა.
ქედის მერიაში დასაქმებულებიდან, ხელფასის 100% - ის შესაბამისი ჯილდო მხოლოდ სამმა თანამშრომელმა მიიღო, ნაწილმა კი სხვადასხვა პროცენტულობით. იურისტი განმარტავს, რომ მერიამ ჯილდო კანონის შესაბამისად გასცა და იმასაც აღნიშნავს, რომ ფინასური ჯიდლო თანამდებობის პირებს არ მიუღია.
ჯილდოს გარეშე არ დარჩენილან აიპებსა და შეპესეებში დასაქმებულებიც, თუმცა ერთი სხვაობით, აქ 100%-იანი ჯილდო არავის მიუღია, რადგან, როგორც სახელფასო სარგო მწირია, ორგანიზაციებმა ჯილდოც ნაკლები ოდენობით გასცა. კულტურის ცენტრის დირექტორი ამბობს, რომ აქ დასაქმებულ თანამშრომელთა 80%-მა ჯილდოდ, ხელფასის 50% შესაბამისი თანხა მიიღო, ხელფასის 60% - ის შესაბამისი ფულადი ჯილდო კი მხოლოდ რეჟისორმა მიიღო.
წელს, ჯილდო არ გაუციათ ქედის მუნიციპალიტეტის საკრებულოში, თუმცა საკრებულომ აპარატის თანამშრომლები გასული წლის დეკემბრის თვეში დააჯილდოვეს. თავმჯდომარე განმარტავს, რომ პრემია ეკონომიის ხარჯზე გასცეს და დასძენს სახელფასო ფონდში, ჯილდოსთვის თანხა 2019 წლისთვის არ აქვთ გაწერილი.
ქედის მერიის ინფორმაციით, მერიაში 88 თანამშრომელი მუშაობს, მათზე გაცემული ჯილდოს ოდენობა კი 33 ათასი ლარია.
სიუჟეტი ამერიკის საელჩოს ფინანსური მხარდაჭერით მომზადდა.