ოპიზრების ქუჩაზე მცხოვრებლების პრობლემები, რომელთა მოგვარებას წლებია ითხოვენ. ადგილობრივები დღეს ქუჩაში კიდევ ერთხელ გამოვიდნენ და იმის მტკიცებას შეეცადნენ, რომ მიმდებარე ტერიტორიაზე მშენებარე მაგისტრალი მათი საცხოვერებელი სახლების დაბზარვის მიზეზი გახდა.
ფატი გორგილაძე გვიყვება, რომ საცხოვრებელი სახლის კედლების დაზიანება მაგისტრალის მშენებლობამ გამოიწვია. სპეც ტექნიკის მუშაობისას ძლიერი ვიბრაცია მათ სიცოცხლეს საფრთხეს უქმნის. კედლებზე ბზარები დაახლოვებით 1 კვირის ფარგლებში გაჩნდა.
ფატი გორგილაძის მსგავსად, მეზობლად მცხოვრები ინგა მორთულაძის სახლის კედლებიც დაზიანდა. ნაპრალები ყოველდღიურად მატულობს. მოქალაქე თავს დაუცველად გრძნობს.
ხელისუფლების ყურადღების მიქცევის მიზნით ოპიზრების ქუჩაზე აქცია გაიმართა, სადაც ტერიტორიაზე მცხოვრებმა 14-მა ოჯახმა განსახლება მოითხოვა. უფლებადამცველი რეგიონის მთავრობას საავტომობილო გზების დეპარტამენტთან შუამდგომლობას სთხოვს.
აქ მცხოვრებლები ირწმუნებიან, რომ მაგისტრალის მშენებლობისას მძიმე ტექნიკის გადაადგილებისას ტერიტორიაზე მტვერია. ბავშვების ეზოში გაშვებას იმ მოტივით ერიდებიან, რომ უსაფრთხოების ნორმები დაცული არ არის.
იმ შემთხვევაში თუ ბზარების გაჩენა მაგისტრალის მშენებლობამ გამოიწვია საქართველოს საავტომობილო გზების დეპარტამენტი ოპიზრების ქუჩაზე მცხოვრებლებს კონპენსაციას გადაუხდის. თუმცა მანამდე დეპარტამენტის ზედამხედველობის სამსახურმა იქ არსებული მდგომარეობა უნდა შეისწავლოს.
აჭარის მთავრობაში სატელევიზიო კომენტარს არ აკეთებენ. პირად საუბრებსი კი აღნიშნეს, რომ ოპიზრების ქუჩაზე მცხოვრებლებს ჯანდაცვის მინისტრის მაოდგილე შეხვდა. მათი ინფორმაციით, კანონით გათვალისწინებული გადაწყვეტილება იქნება მიღებული.
20
s
s
s