01, თებერვალი 2019 17:19:00
აჭარის განათლების სამინისტროს ბაზაზე კიდევ ერთი დეპარტამენტი შეიქმნება. ახალგაზრდობის დეპარტამენტი სავარაუდოდ, ორი თვის ვადაში დაკომპლექტდება. როგორც რეგიონის პირველი პირი ამბობს, პრიორიტეტი ახალგაზრდები და მათი საჭიროებები იქნება, ამ მიმართულებით კი თორნიკე რიჟვაძის შეფასებით, მუშაობაა გასაძლიერებელი. ახალგაზრდობის დეპარტამენტს ცალკე ბიუჯეტი ექნება, ეყოლება ახალი ხელმძღვანელი და თანამშრომლები. ახალი დეპარტამენტის შემქნის საჭიროება ის გახდა, რომ დღეს მოქმედი სტრუქტურა გამოწვევებს ვერ პასუხობს.