06, თებერვალი 2019 20:02:00
8 აპრილიდან საეკლესიო ექსპონატთა ნაწილს რესტავრაცია ჩაუტარდება. სულ რამდენი განსაკუთრებული საჭიროების მქონე ნივთის განახლება მოხდება და რას დახარჯავს ამისთვის კულტურული მემკვიდრეობის დაცვის სააგენტო?
არავინ იცის რელიგიურ მუზეუმში დაცული ამ ექსპონატის ისტორია საიდან მოდის. თუმცა მისი უნიკალურობა იმაშია, რომ ნიჟარაში ჩატეული და მინანქრით შესრულებული უფლის აღდგომის სცენა, რეგიონში ერთადერთია. ექსპონატი მუზეუმში ისტორიკოსმა თეიმურაზ კომხიძემ 2004 წელს განათავსა და მას შემდეგ როგორც ადგილობრივების, ასევე ტურისტებისთვის განსაკუთრებული ყურადღების საგნად იქცა.
რელიგიის მუზეუმში დაცულია ალექსანდრე ნეველის სახელობის ხატიც, რომელიც სათავეს 1900 წლიდან ითვლის. აქვეა, ბათუმელი მხატვრის, ზურაბ ხაბაძის მიერ, დათვის ტყავზე შესრულებული წმინდა ნინოს ხატი და სხვა ნამუშევარი, რომელთა ნაწილიც რესტავრაციას საჭიროებს.
,,აჭარის მუზეუმის“ დირექტორის თქმითგანსაკუთრებული საჭიროების მქონე საეკლესიო ექსპონატებს აპრილში, რესტავრაცია ჩაუტარდება. პროექტს აჭარის მუზეუმი, კულტურული მემკვიდრეობის დაცვის სააგენტოსა და და ვარშავის ,,ხატების მუზეუმთან “ ერთად განახორციელებს. რესტავრაციაზე სპეციალურად მოწვეული რესტავრატორი ადგილობრივებთან ერთად იმუშავებს.
საეკლესიო ექსპონატები რელიგიური მუზეუმის გარდა ხარიტონ ახვლედიანის სახელობის მუზეუმშიცა ინახება..