10 ათასი ლარი დღემდე უცნობი ტერიტორიების შესასწავლად. ხულოს მერიამ მუშაობა ამ მიმართულებით უკვე დაიწყო. რა პრინციპით მოხდება მუნიციპალიტეტის სოფლებში ახალი ობიექტების მარკირება და რამდენი ტურისტული მარშრუტი შეემატება უკვე არსებულ ნუსხას?
ხულოს მუნციპალიტეტში, სოფელ უჩხოს მდინარეზე არსებული ჩანჩქერების შესწავლისა და ტურისტული მნიშვნელობის ღირებულების განსაზღვრის მიზნით, მოსახლეობამ ადგილობრივ ხელისუფლებას რამდენიმე დღის წინ მიმართა. ადგილობრივები ფიქრობენ, რომ თუ არსებული მცირე ჩანჩქერები, ტურისტულ მარშრუტებზე დაიტანება , სოფელს განავითარებს.
ხულოს მუნიციპალიტეტში, ტურიზმის განვითარების ხელშეწყობის პროგრამა წელს ამოქმედდა. მერიის ტურიზმის განყოფილების უფროსის თქმით, სოფელ ფაჩხაში, ლეგენდის მატარებელი ლოდი შეისწავლა და მონაცემები ელექტრონულ ნუსხაშიც შეიტანა. თორნიკე მიქელაძის თქმით, ახალი ობიექტები დაიტანება თუ არა ტურისტულ მარშრუტებზე, გადაწყვეტილებას ტურიზმის დეპარტამენტი მიიღებს.
სოფელ ფაჩხის მკვიდრი მურად შაინიძე ამბობს, რომ აჭარის მთის სოფლებში ტურიზმის განვითარებისთვის ინფრასტრუქტრურის განვითარებაა აუცილებელია.
ხულოს მერიის ინფრასტრუქტურის სამსახურის უფროსის თქმით, მუნიციპალიტეტში დაგეგმილი ინფრასტრუქტურული პროექტები ტურიზმის განვითარებას გულისხმობს. ზაზა აბულაძეს მაგალითად, გოდერძიზე არსებული ალპური ბაღის გარე განათება მოჰყავს.
მერია , დღემდე უცნობი თუ ნაკლებად ნაცნობი ტერიტორიების შესწავლას, წლის ბოლომდე გეგმავს. იმ შემთხვევაში კი, თუ შესწავლის შესწავლილი ტერიტორიების მარკირება მოხდება, სამიზნე ჯგუფებისთვისახალ ტურისტულ ობიექტებზე, ექსკურსიები და ექსპედიციები მოაწყობა. ხულოში, ტურისტული თვალსაზრისით საინტერესო ობიექტების ინფორმაციის დასამუშავებლად, მერიას 10 ათასი ლარი აქვს გამოყოფილი.
1
s
s
s