დატოვებს თუ არა უმრავლესობას ეკა ბესელია, ხვალინდელ კენჭისყრაზეა დამოკიდებული. დეტალებს თემასთან დაკავშირებით ჩემი კოლეგა სულხან მესხიძე გაგვაცნობს. სულხან , რა შეფასებები და აქცენტები გაკეთდა მმართველი გუნდის პოლიტსაბჭოს სხდომის შემდეგ?
დიახ ია, მმართველი გუნდი ეკა ბესელიას ინიციატივას, რომელიც მოსამართლეთა უვადოდ დანიშვნის შეჩერებას გულისხმობს - მხარს არ უჭერს. „ქართული ოცნების“ უმრავლესობის ეს გადადწყვეტილება პოლიტსაბჭოს სხდომაზე მიიღეს. შეკრებაზე, რომელსაც ბიძინა ივანიშვილი ხელმძღვანელობდა ითქვა, რომ რამდენიმე დეპუტატმა არაკონსტიტუციური კანონპროექტი მოამზადა, ხოლო მოსამართლეთა სიაზე დისკუსიამ არაჯანსაღი ხასიათი მიიღო.
მოსამართლეების განახევრებული შემადგენლობა, კოლაფსი სასამართლო სისტემაში და არაკოსნტიტუციური პროექტი - უკვე რამდენიმე კვირაა ამ არგუმენტებით - „ქართული ოცნების“ ე.წ ახალი სახეები - ეკა ბესელიას და მისი თანამოაზრეების მიერ მომზადებულ ინიციატივას უპირსპირდებიან. მმართველი პარტიის უმრავლესობაში ზუსტად იციან, რომ კანონპროექტი 76 დეპუტატის მხარდაჭერას ვერ მიიღებს.
სწორედ ამ არგუმენტების გამო - ეკა ბესელია კობახიძესა და მის გუნდს არასწორი ინფორმაციის გავრცლებაში ადანაშაულებს. დეპუტატი, რომელიც საქალაქო და სააპელაციო სასამართლოებში მოსამართლეთა უვადოდ დანიშვნის შეჩერებას ითხოვს, ამბობს რომ მისი კანონპროექტი კონსტიტუციასთან თანხვედრაშია.
„ქართული ოცნების“ პოლიტსაბჭოს გადაწყვეტილებას არასერიოზულს უწოდებენ ეკა ბესელიას თანამოაზრეებიც.
ეკა ბესელიას კანონპროექტს აქვს ოპოზიციის მხარდაჭერა, რომელიც არ გამორიცხავს, რომ მოსამართლეების თემამ შესაძლოა, პროცესები ქუჩაში გადაიტანოს.
მოსამართლეების თემაზე-ქართულ ოცნებაში არსებულ აზრთასხვადასხვაობაზე დღეს იუსტიციის მინიტრმაც იუსაბრა. თეა წულუკიანის თქმით, მნიშვნელოვანია, მოსამართლეთა შერჩევის კრიტერიუმები მაქსიმალურად გამჭვირვალედ შემუშავდეს.
მოსამართლეთა უვადო გამწესების 5 წლით შეჩერების შესახებ ეკა ბესელიასა და კიდევ 8 დეპუტატის მიერ ინიცირებული კანონპროექტის, კენჭისყრა პარლამენტში ხვალ იგეგმება.
11
s
s
s