20, თებერვალი 2019 20:03:00
რეგიონმა შესაძლოა სატრანსპორტო პოლიტიკა შეცვალოს. დარგის სპეციალისტები ახლა საზოგადოებრივი ტრანსპორტის ინტეგრირებულ მოდელზე მსჯელობენ. იმ შემთხვევაში თუ სიახლე ძალაში შევა, ერთიანი საბარათო სისტემა ამოქმედდება. რა რეკომენდაციები აქვთ ექსპერტებს?
აჭარა ქვეყნის მასშტაბით შესაძლოა პირველი რეგიონი იყოს, სადაც საზოგადოებრივი ტრანსპორტის ინტეგრირებული სისტემა დაინერგება. სიახლე ერთიან საბილეთო სისტემას გულისხმობს. უფრო კონკრეტულად კი მგზავრს ერთი ბილეთით, რამდენიმე მუნიციპალური ტრანსპორტის გამოცვლა შეეძლება.
იმ შემთხვევაში თუ რეგიონში ერთიანი სატრანპორტო სისტემა დაინერგება, მის სამართავად თითოეულომა მუნიციპალიტეტმა სააგენტო უნდა შექმნას. დღეს გამართულ პრეზენტაციაზე გენერალური კონცეფციაც განიხილეს, რომელიც ე.წ გადასასხდომი კვანძის შექმნას გულისხმობს.
პროექტი საერთაშორისო გამოცდილების გაზიარებით მომზადდა. ექსპერტი ფიქრობს, რომ ევროკავშირის ქვეყნებში აპრობირებული მეთოდი, რეგიონში სატრანსპორტო სფეროს განვითარებისთვის აუცილებელია. სიახლის უპირატესობად კი ლევან კოპლატაძე იმას მიიჩნევს, რომ მოსახლებას ერთიანი მულტიმუნიციპალური სატრანსპორტო სივრცე ექნება.
აჭარის ფინანსთა და ეკონომიკის სამინისტროში ფიქრობენ, რომ ტრანსპორტი ეკონომიკის განვითარების ძირითადი კვანძია. სიახლე კი საინვესტიციო პროექტების მოზიდვას შეუწყობს ხელს.
საზოგადოებრივი ტრანსპროტის რეგიონული ინტეგრირებული სისტემა გაეროს განითარების პროგრამის და გლობალური გარემოსდაცვით ფონდის პროექტის “ მწვანე ქალაქების“ ფარგლებში შემუშავდა.