ინციდენტი ბათუმის მეთხუტმეტე საჯარო სკოლაში. რა გახდა დაპირისპირების მიზეზი, რომლის შემდეგაც მოსწავლეს ფსიქოლოგის დახმარება დასჭირდა? რატომ ადანაშაულებს მოზარდის დედა საგანმანათლებლო დაწესებულების მანდატურსა და დირექციას?
ნონა დავითაძე, ბათუმის, მე15 საჯარო სკოლის დირექციას და მანდატურის სამსახურს მისი შვილისთვის ფსიქოლოგიური ტრამვის მიყენებაში ადანაშაულებს. საქმე მანდატურურის სამსახურის ფსიქოლოგს ეხება, რომელმაც მოსწავლის თანდასწრებით მამას ჰკითხა, იცოდა თუ არ ბავშვმა, რომ შვილად აყვანილი იყო.
სასწავლო დაწესებულებაში ინცინდენტი რამდენიმე დღის წინ მოხდა. მაშინ მოხდა, როდესაც მოსწავლემ თანაკლასელების მიმართულებით წერილი დაწერა. რა შინაარსის იყო წერილი დაწესებულებაში არ აკონკრეტებენ. დირექტორმა მანდატურის სამსახურთან ერთად, უბნის ინსპექტორი გამოიძახა. მოსწავლე მეორე განყოფილებაში გადაიყვანეს, სადაც მას ახსნა განმარტებითი ბარათი დაწერინეს. დირექციამ კი მშობელს ბავშვის ფსიქოლოთან მიყვანა ურჩია.
ნონა დავითაძე ირწმუნება, რომ ინციდენტის შემდეგ ბავშვი 4 დღის განმავლობაში სახლში არ მიდიოდა და დეიდასთან რჩებოდა. მისი მტკიცებით, მოზარდი უკონტაქტო გახდა და საკუთარ თავში ჩაიკეტა. მშობელი ფსიქოლოგისთვის არასწორი ინფორმაციის მიწოდებაში სკოლის ადმინისტრაციას ადანაშაულებს.
ბათუმის, მეთხუთმეტე საჯარო სკოლაში ირწმუნებიან, რომ მომხდართან დაკავშირებით ინფორმაციას დღემდე არ ფლობდნენ. დირექტორი სკოლაში არ იმყოფებოდა, სასწავლო ნაწილის თქმით, კი ბავშვს ბოლო ერთი წლის მანძილზე დისციპლინური გადაცდომები ჰქონდა.
საპირისპიროს აცხადებენ, ბათუმის რესურსცენტრში, სადაც განმარტეს, რომ ინციდენტის გასარკვევად სკოლაშიც იმყოფებოდნენ. გოჩა დავითაძის თქმით, სკოლის დირეტორთან გასაუბრებისას შესაბამისი რეკომენდაციები გაიცა. ინციდენტზე, რესურსცენტრი, მას შემდეგ მოახდენს რეაგირებას თუ კი საქმეში სკოლის დირექციის ბრალეულობა გამოიკვეთება.
იმ ორგანიზაციაში, სადაც ბავშვთა უფლებებს იცავენ აცხადებენ, რომ საქმის გამოძიება დროულად უნდა მოხდეს.
მანდატურურის სამსახურში სატელევიზიო კომენტარი არ გააკეთეს. პრესცენტრის ინფომრაციით, კი გავრცელებული ინფორმაცია სინამდვილეს არ შეესაბამება. მოქალაქე ნონა დავითაძე, უახლოეს დღეებში საქალაქო სასამართლოში სარჩელის შეტანას აპირებს.
7
s
s
s