სიტყვიერი პაექრობა ხელისუფლებას და მესამე სექტორს შორის. „ძაღლი ყეფს, ქარავანი მიდის“ - ფრაზა დღეს მთავრობის თავმჯდომარემ არასამთავრობო სექტორის მიმართულებით გამოიყენა. რატომ ალაპარაკდა რეგიონის პირველი პირი ფრთიანი გამოთქმებით? და რა მესიჯი გაგზავნა რიჟვაძემ ამ განცხადებით.
,,ძაღლი ყეფს, ქარავანი მიდის“ - ასე პასუხობს აჭარის მთავრობის თავმჯდომარე ძეგლთა დამცველებს. ,,დაიცავი ბათუმის“ წევრებმა, მერს ღია წერილი, გუშინ, გაუგზავნეს, სადაც ისინი ისტორიული სახლების ნგრევის შეჩერებას თხოვდნენ. აჭარის მთავრობის თავმჯდომარემ ჟურნალისტებთან საუბრისას აღნიშნა, რომ თვითმმართველობები საკუთარი გადაწყვეტილებების მიხედვით, მოქმედებენ და არანაირ უკანონობას ადგილი არა აქვს.
საზოგადოება ,,ბათომის“ დამფუძნებელი მიიჩნევს, რომ აღნიშნული განცხადებით აჭარის მთავრობის თავმჯდომარემ საზოგადოებას თავი უკეთ გააცნო. შოთა გუჯაბიძეს ამ კუთხით პრობლემების მოგვარების იმედი რეგიონის პირველი პირისგან და ბათუმის მერისგან არ აქვს. თუმცა მიიჩნევს, რომ ადამიანებმა მიზნის მისაღწევად ყველანაირი გზა უნდა გამოიყენონ.
,,თავისუფალ ჟურნალისტთა სახლში“ აჭარის მთავრობის თავმჯდომარის განცხადების შეფასებისას ამბობენ, რომ
საჯარო მოხელის მხრიდან მსგავსი ფრაზებით საუბარი უხერხულია - ასე შეაფასეს თორნიკე რიჟვაძის რეპლიკა „თავისუფალ ჟურნალისტთა სახლში. ორგანიზაციის ხელმძღვანელს მიაჩნია, რომ მსგავსი დამოკიდებულება რეგიონის პირველი პირის იმიჯზე ცუდად აისახება.
რიჟვაძის განცხადება ოპოზიციაშიც უარყოფითად შეფასდა. „ევროპულ საქართველოში“ თვლიან, რომ ქალაქის გულშემატკივრებისადმი მსგავსი დამოკიდებულება არასწორია. პეტრე ზამბახიძე თორნიკე რიჟვაძეს სამომავლოდ ასეთი განცხადებებისგან თავის შეკავებას ურჩევს.
მმართველ გუნდში კი ფრთიანი ფრაზის გახმოვანებაში უცნაურს ვერაფერს ხედავენ. ლადო მგალობლიშვილი მიიჩნევს, რომ უარგუმენტო პრეტენზიისადმი მსგავსი პასუხი შეიძლება ნებისმიერ ადამიანს, მათ შორის საჯარო პირსაც ჰქონოდა.
ცნობისთვის, თორნიკე რიჟვაძის განცხადება საჯარო განხილვის საგანი პირველად არ გამხდარა. რამდენიმე თვის წინ აჭარის მთავრობის თავმჯდომარე ოპოზიციური პარტიის წევრს ჯელალ ქიქავას პირადი ანგარიშსწორებით საჯაროდ დაემუქრა.
ეს განცხადებები რეგიორნის პირველმა პირმა აჭრის საზოგადოებრივი მაუწყელის ჟურნალისტის შეკითხვისას გააკეთა. ცოტა ხნის წინ თემასთან დაკავშრებით თორნიკე რიჟვაძემ დამატებითი განმარტება გააკეთა. გთავაზობთ მის კომენტარს
3
s
s
s