22, თებერვალი 2019 20:04:00
არაადაპტირებული კორპუსი ბათუმში, რომელიც ეტლით მოსარგებლეს პრობლემებს უქმნის. 54 წლის ზაზა ბოცვაძეს შეუსაბამო ინფრასტრუქტურის გამო ექიმთან ვიზიტიც უჭირს. სპეციალური საჭიროების მქონე პირი სოციალური დახმარების დანიშვნას ითოვს.
54 წლის ყოფილი მემანქანეს ფეხის ამპუტაცია გასულ წელს გაუკეთეს. ზაზა ბოცვაძეს ფეხზე განგრენა დიაბეტისა და სხვა მძიმე დაავადებების გამო განუვiთარდა. იმის გამო, რომ არაადაპტირებულ კორპუსში ცხოვრობს დროის დიდ ნაწილს ტელევიზორთან ან აივანზე ატარებს.
ეტლით მოსარგებლეს კვირაში სამჯერ ექიმთან ვიზიტი აქვს. სწორედ ამ დროს გამოდი იგი სახლიდან. ეზოში ჩასვლას მეზობლების დახმარებით ახერხებს. მოქალაქე ბათუმის მერიას შენობის ადაპტირებას გასული წლიდან უშედეგოდ თხოვს.
ოჯახის რჩენა ახლა ზაზა ბოცვაძის მეუღლეს უწევს, სწორედ ამიტომ იგი სახლში მარტო რჩება. მათი შემოსავლის ძირითადი წყარო, ცოლის მცირე ხელფასთან ერთად, პენსიაა. თანხის დიდი ნაწილი მედიკამენტების ყიდვას ხმარდება. ჰყოფნის. ოჯახის სოციალური დახმარების დანიშვნასაც ითხოვს.
ბათუმის მერი ირწმუნება, რომ საკითხით პირადად დანტერესდება და ზაზა ბოცვაძის პრობლემას უახლოეს მომავალში მოაგვარებს.
სოციალური მომსახურების სააგენტოში კი ამბობენ, რომ ოჯახს ფულადი შემწეობის მიღების მიზნით განცხადება 2017 წლის შემდეგ არ დაუწერია.
ვიდრე, ბათუმის მერია ზაზა ბოცვაძის მოთხოვნას დააკმაყოფილებს ეტლით მოსარგებლეს გადაადგილება კვლავ, მეზობლების დახმარების იმედად მოუწევს.