ცხოვრება ამორტიზებულ ფიცრულში სოციალური შემწეობის გარეშე. დიასამიძეების ოჯახი ერთადერთი შვილის გადასარჩენად დახმარებას ითხოვს. როგორ უმკლავდებიან ყოფით პრობლემებს იური გაგარინის ქუჩაზე მცხოვრებლები და რა შეღავათებით ისარგებლებენ?
დიასამიძეების ოჯახი მძიმე სოციალურ პირობებში წლებია ცხოვრობენ. დაზიანებული სახურავი და იატაკი, ნახევრად ამორტიზებული ფიცრული - სიცოცხლისთვის შეუსაბამო პირობებში ცხოვრების მიუხედავად, სოციალური მომსახურების სააგენტომ ოჯახს ფულადი დახმარება მოუხსნა. აგენტმა მათი მდგომარეობა მაღალი ქულებით შეაფასა.
დიასამიძეების ერთადერთ შვილს წლებია ჯანმრთელობის პრობლემები აქვს. მშობლების თქმით, 21 წლის ბიჭის გადასარჩენად საზღვარგარეთ ქირურგიული ჩარევაა აუცილებელია. მანანა დიასამიძე ამბობს, რომ ჯანმრთელობის პრობლემები მას და მის მეუღლესაც აწუხებთ. ოჯახს კომუნალური გადასახადების დაფარვასთან ერთად მედიკამენტების შეძენაც უჭირს. ისინი თავს მხოლოდ ჯართის შეგროვებით ირჩენენ.
სოციალური მომსახურების სააგენტოში განმარტეს, რომ ოჯახმა უწყებას განცხადებით ხელახლა 2019 წლის ოქტომბერში უნდა მიმართოს.
იმ შემთხვევაში თუ თამაზ დიასამიძეს სამედიცინო მომსახურების გაწევა საზღვარგარეთ ესაჭიროება - პაციენტმა წერილობით საქართველოს ჯანდაცვის სამინისტროს უნდა მიმართოს, სადაც მკურნალობის ხარჯებს ნაწილობრივ დააფინანსებენ. დარჩელ თანხას კი აჭარის ჯანდაცვის სამინისტრო თანადაფინანსებით უზრუნველყოფს.
ბათუმის მერიაში სიტყვიერად განმარტეს, რომ ოჯახმა უწყებას იმ მედიკამენტების ჩამონათვალი უნდა წარუდგინოს, რომლის შეძენის საშუალება არ აქვს.
14
s
s
s