რამდენიმე საათიანი შეხვედრის შემდეგ კონკრეტული შეთანხმებები მიღწერულია. ბულვარის დამცველებმა თორნიკე რიჟვაძისგან დაპირება მიიღეს, რომ ზონალური აბჭო მოდერნიზენული გახდება ან კულტურული მემკვიდრეობის სააგენტოს შეერწყმება. კიდევ რაზე დაითანმეს რეგიონის პირველი პირი ბულვარის დამცველებმა?
მოხდება ზონალური საბჭოს მოდერნიზება ან მისი კულტურული მემკვიდრეობის დაცვის სააგენტოსთან შერწყმა - ბულვარის დამცველების და მთავრობის თავმჯდომარის რამდენიმე საათიანი შეხვედრა ამ შეთანხმებით დასრულდა. როგორც ცნონილი გახდა, შეხვედრაზე ყველა ის პრობლემა გამოიკვეთა, რომელიც ისტორიულ განაშენიანებასთან და რეგულაციებთან დაკავშირებით არსებობს. ითქვა, რომ ადგილობრივი ხელისუფლება მესამე სექტორთან კიდევ ერთხელ შესახვედრას მზადყოფნას გამოთქვამს.
მესამე სექტორი შეხვედრით კმაყოფილია. ნათია აფხაზავა ამბობს, მიღწეული შეთანხმებით, სამომავლოდ ზონალურ საბჭშო საჯარო მოხელეები და მესამე სექტორის წარმომადგენლები თანაბარად იქნებიან წარმოდგენილები.
დღეს გამართული შეხვედრა მედიისთვის დახურულ კარს მიღმა შედგა. მოლაპარაკების დასრულების შემდეგ განცხადების გაკეთებას რეგიონის პირველმა პირმა საჭიროდ არ ჩათვალა. თორნიკე რიჟვაძემ კომენტარი დღის პირველ ნახევარში სხვა შეხვედრაზე გააკეთა.
მოქალაქეები ძველ ბათუმში, ისტორიული სახლების ნგრევას, ქაოსურ სამშენებლო პოლიტიკას და სანაპირო ზოლში მაღალსართულიანი სახლების მშენებლობას აპროტესტებენ. ბათუმის ევროპული ნაწილის დაცვის ზონის დამტკიცების მოთხოვნით, აქცია ბულვარის დამცველებმა რამდენჯერმე გამართეს. მათ ბათუმის ბათუმის მერს, ღია წერილიც გაუგზავნეს. სწორედ ღია წერილის საპასუხოდ გააკეთა აჭარის მთავრობის თავმჯდომარემ განცხადება: „ვმოქმედებთ მარტივი პრინციპით - ძაღლი ჰყეფს ქარავანი მიდის". თონიკე რიჟვაძის ეს ფრთიანი გამონათქვამი მესამე სექტორის მიერ უარყოფითად შეფასდა.
6
s
s
s