26, თებერვალი 2019 21:02:00
მმართველი გუნდის შემადგენლობა დღითიდღე მცირდება. ამ ქართული ოცნება 4-მა დეპუტატმა დატოვა. საპარლამენტო უმრავლესობის რღვევის პროცესი მოსამრთლეთა უვადოდ გამწესების საკითხმა გამოიწვია. კი ამ ფონზე ეკა ბესელია თანამოაზრეებთან ერთად ფრაქციის შექნაზე მსჯელობს.
დიახ ია, საპარლამენტო უმრავლესობის რღვევის პროცესი გრძელდება. ეკა ბესელია და მისი თანამოაზრეები ახალი ფრაქციის შესაქმნელად კონსულტაციებს მართავენ. ბესელიას გუნდში ყველა ის პირი გაერთიანდება, რომლებსაც მოსამართლეების თემაზე საერთო პოზიციები აქვთ.
ეკა ბესელიას თანამოაზრეების გარდა - იმ დეპუტატების ვინაობა- რომელებიც შესაძლოა ბესელიას ფრაქციაში შევიდნენ, ამ ეტაპზე უცნობია. ამ ეტაპზე მხოლოდ ის არის ცნობილი, რომ თანაშრომლობის სურვილს დავით ჭიჭინაძე გამოთქვამს, რომელმაც „პატრიოტთა ალიანსი“ გუშინ დატოვა. სამომავლო გეგმებზე ჯერ არ საუბრობს არც „ქართული ოცნებიდან“ წამოსული ბექა ნაცვლიშვილი. კონსულტაციებისთვის ემზადებიან სოციალ-დემოკრატებიც. გია ჟორჟოლიანის თქმით, საპარლამენტო უმრავლესობას ის და ფრაქციის კიდევ 5 წევრი - უახლოეს მომავალში დატოვებენ.
საპარლამენტო უმრავლესობის რღვევის ფონზე - „ქართული ოცნების“ ლიდერები გუნდის ერთიანობაზე და სიმყარეზე საუბრობენ.
იმ შემთხვევაში თუ ქვეყნის საკანონდებლო ორგანოში საპარლამენტო უმრავლესობა დაიშლება - დეპუტატთა რაოდენობრივი დისბალანსის გამო - დაშლის საფრთხე - საპარლამენტო უმცირესობას - ევროპულ საქართველოსაც ექნება.
როგორც ცნობილია, მმართველი გუნდში დაპისპირებისა და შემდეგ უკვე, გუნდიდან 4 დეპუტატის წასვლის მიზეზი - მოსამრთლეთა უვადოდ გამწესების თემა გახდა. ეკა ბესელიას და მისი თანამოაზრეები მოსამართლეთა უვადოდ დანიშვნების 2024 წლამდე გადავადებას ითხოვდნენ.