27, თებერვალი 2019 20:03:00
ხაზარაძემ თიბისი ბანკი რამდენიმე დღის დატოვა და დღეს საკანონმდებლო ორგანოში ეროვნული ბანკის პრეზიდენტი ახსნა განმარტებების გასაკეთებლად დაიბარეს. ამის მიუხედავად დეპუტატებმა მას თიბისი ნაბკის საქმეზე კითხვები ვერ დაუსვეს. დეტალებით ახლა სულხან მესხიძე შემოგვიერთდება. სულხან, გისმენთ
ბიძინა ივანიშვილის ბრძანება, თუ საბანკო სექტორის ინტერესების დაცვა - პარლამენტში „თიბისი ბანკის“ საკითხის განხილვა ჩაიაშალა. დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ სხდომა ისე დაასრულა, რომ დეპუტატებს პარლამენტში დაბარებული ეროვნული ბანკის პრეზიდენტისთვის კითხვების დასმის შესაძლებლობა არ მიეცათ. ხაზარაძემ დღეს კიდევ ერთხელ თქვა, რომ მასზე ორკესტრირებული შეტევა ხორციელდება და ის პარლამენტში სიმრთლის სათქმელად მივიდა.
თიბისი ბანკის გახმაურებული საქმის საჯარო განხილვის შეწყვეტის გადაწყვეტილება დარგობრივი ეკონომიკის კომიტეტის თავმჯდომარემ, ეროვნული ბანკის პრეზიდენტის განცხადების შემდეგ მიიღო. კობა გვენეტაძემ შესავალ სიტყვაშივე თქვა, რომ თიბისის საქმის ღია ფორმატში განხილვა მიზანშეწონილი არ იყო.
ქვეყნის მთავარი ბანკირის ამ განცხადებას ოპოზიციის მწვავე კრიტიკა მოჰყვა. „ევროპულმა საქართველომ“ გვენეტაძის პოზიციას სამარცხვინო უწოდა. „ნაციონალურმა მოძრაობამ“ კი ეროვნული ბანკის პრეზიდენტს შეახსენა, რომ ის არა ბიძინა ივანიშვილის, არამედ ხალხის მიერ არჩეული პარლამენტის წინაშეა ანგარიშვალდებული.
კობა გვენეტაძის არგუმენტები მისაღები აღმოჩნდა კომიტეტის თავმჯდომარისთვის, რომელმაც ოპოზიციის პროტესტის მიუხედავად სხდომის დასრულების გადაწყვეტილება მიიღო.
ქართული ოცნების დეპუტატებიც თვლიან, რომ ეროვნული ბანკის მიერ კერძო ფინანსური ინსტიტუტის მიმართ მიღებული გადაწყვეტილების ღია ფორმატში განხილვა თიბისი ბანკს და მთლიანად საფინანსო სექტორს დააზიანებს.
ეროვნული ბანკის და კომიტეტის გადაწყვეტილებას არც თიბისი ბანკის დამფუძნებლები ეთანხმებიან.
ეროვნული ბანკის პრეზიდენტი დარგობრივი ეკონომიკისა და ეკონომიკური პოლიტიკის კომიტეტის სხდომაზე ევროპულმა საქართველომ მას შემდეგ დაიბარა, რაც ქვეყნის მთავარმა ბანკმა თიბისი ბანკის დამფუძნებლებს მამუკა ხაზარაძეს და მის მოადგილეს ხელმოწერის უფლება შეუჩერა და ბანკის აქციონერებს სამეთვალყურეო საბჭოდან მათი გაწვევა მოსთხოვა. ამ გადაწყვეტილების მიზეზად 2007-2008 წლების ტრანზაქციები დასახელდა, რომელზეც პროკურატურას გამოძიება აქვს დაწყებული.