28, თებერვალი 2019 20:02:00
იმ პრობლემაზე მოგიყვებით , რომელიც ბათუმიდან მახინჯაურის მიიმართულებით ველოსიპედით მოძრაობისას შეგექმნებათ. სად წყდება ბილიკი ველომოყვარულთათვის და რატომ არ ფიქრობს შესაბამისი უწყება ტურისტულ ქალაქში ალტერნატიული ტრანპორტის ინფრასტრუქტურისმოწესრიგებაზე?
ველომოყვარულებისთვის ბილიკი თამარის დასახლებაში წყდება. ველოსიპედით მოსარგებლეებს მახინჯაურის მიმართულებით გზის გაგრძელება მუნიციპალური ტრანსპორტით უწევთ, რაც მათთვის დისკომფორტს წარმოადგენს.
ეკოლოგიური თვალსაზრისით ავტომობილების ველოსიპედებით ჩანაცვლებაზე საუბრობენ ადგილობრივები. მათი თქმით, ველოსიპედით გადაადგილება უფრო უსაფრთხო და კომფორტული უნდა გახდეს. ამბობენ,რომ თამარის დასახლებიდან მახინჯაურის მიმართულებით ველობილიკის არარსებობა განსაკუთრებით ტურისტებს აწუხებთ.
ტურისტულ ქალაქებში ველობილიკების მოწყობის ინიციატივა წინა ხელისუფლებას ეკუთვნის. პროექტი კი ოპოზიციის მტკიცებით, ამ ეტაპზე შეჩერებულია. „ნაციონალური მოძრაობაში“ ალტერნატიული ტრანპორტის ინფრასტრუქტურის განვითარებაზე საუბრობენ და აცხადებნ, რომ ამ მიმართულებით მეტი მუშაობაა საჭირო.
ველობილიკების მოწყობა მხოლოდ ბათუმის ცენტრალურ ქუჩებზე არ უნდა ხდებოდეს - ასე ფიქრობენ ,,დემოკრატიის ინსტიტუტში“. აქ მიიჩნევენ, რომ მწვანე ქალაქების ფარგლებში მომზადებული პროექტის განხორციელება მნიშვნელოვანია, რომელიც ბათუმი ქობულეთის მიმართულებით ველობილიკის ინფრასტრუქტურის მოწყობას ითვალისწინებს.
ბათუმის მერიაში სატელევიზიო კომენტარი არ გაკეთდა. სიტყვიერად კი გვითხრეს, რომ ველობილიკის მოსაწყობად საჭირო თანხები ბიუჯეტში გათვალისწინებულია. სად იგეგმება შესაბამისი ინფრასტრუტურის მოწყობა ჩვენთვის უცნობია - ინფორმაცია ბათუმის მერიიდან არ მოგვაწოდეს.