14, მარტი 2019 20:04:00
მიუხედავად იმისა, რომ ქვეყანა გენდერული ბალანსის დაცვისკენ ისწრაფვის და ცნობიერების ამაღლებაზე მუშაობს, გამოწვევები ამ დრომდე რჩება. სამუშაო ბევრია - განსაკუთრებით კი მუნიციპალიტეტებში. რა იკვეთება, როგორი მდგომარეობაა და რა პრობლემებზე საუბრობენ ქალები? ჩემი კოლეგა გიამბობთ
საქართველო ბოლო რამდენიმე წელია გენდერულად თანასწორი საზოგადოების ჩამოყალიბებისკენ აქტიურად ისწრაფვის. თუმცა ის, რომ ქალსა და კაცს შორის ჯერ კიდევ ამ მხრივ დისბალასია, ამაზე იმ ორგანიზაციის წარმოამდგენლები საუბრობენ, რომლებიც საკითხზე წლებია მუშაობენ. სწორედ მათთვის, საქართველოს ეროვნული სტატისტიკის სამსახური ტრენინგებს ატარებს.
გენდერული თანასწორობის კუთხით ყველაზე მეტად ქალთა უფლებები ხულოს მუნიციპალიტეტშია დარღვეული. ქალთა ოთახის წარმომადგენლები სახელმწიფო და კერძო დაწესებულებში დისბალანსის არსებობაზე საუბრობენ. ფატმა ბოლქვაძე ამბობს, რომ ქალებმა მათი უფლებები არ იციან და ნაკლებ აქტიურები არიან თითქმის ყველა სფეროში.
ქედასა და ხელვაჩაურში კი მიაჩნიათ, რომ მუნიციპალიტეტებში გენდერული თანასწორობის კუთხით პრობლემები არ არასებობს.
მენტალურ პრობლემებზე საუბრობს ბათუმის საკრებულოს გენდერული თანასწორობის საბჭოს წარმომადგენელი. ნინო კერვალიშვილი გამოსავალს ქალების როლის გაზრდაში ხედავს. რგოლის კიდევ ერთი თანამშრომელი მთავარ დარღვევად ქალტა მიმართ ძალადობას ასახელებს.
საქსტატის მიერ ორგანიზებული ტრენინგი, რომელიც გენდერული სტატისტიკის წარმოებისა და განვითარების გაუმჯობესებას ემსახურება, 3 დღეს გაგრძელდება.
სიუჟეტი ამერიკის საელჩოს ფინანსური მხარდაჭერით მომზადდა.