15, მარტი 2019 20:02:00
ფერმერი ხელვაჩაურიდან, რომელსაც წიწილების ფერმა აქვს და სამეწარმეო საქმიანობას ეწევა. 3 წლის წინ გაჩენილი იდეა, რომელიც კახა კოპლაძემ რეალობად აქცია. ამაში კი ხელი მას ხელვაჩაურის მუნიციპალიტეტის მერიამ შეუწყო. 39 წლის კაცმა მცირე ბიზნესში თანასოფლებებიც ჩართო. რა პირობებში ფრთიანდება ქათამი, რომლის რეალიზება რეგიონის მასშტაბით ხორციელდება?
წელიწადზე მეტია ახალგაზრდა ფერმერი წიწილებს ამ ნაგებობაში ზრდის. იმისათვის რომ ფრინველებისთვის ხელსაყრელი პირობები შეექმნა, აქ ყველაფერი თავისი ხელით გააკეთა. საქმიანობას ხელი 3 წლის წინ მიჰყო და უფრო მეტიც, მაჭახელაში მცხოვრებლებიც დაასაქმა. კახა კოპლაძე მიიჩნევს რომ თუ საქმისთვის ძალ-ღონეს არ დაიშურებ, აუცილებლად გამოგივა. სოფელი მისი ოცნების განხორციელებისთვის საუკეთესო ადგილად მიიჩნია და არც შემცდარა.
ფერმაში წიწილები დედაქალაქიდან ჩამოჰყავს. გზა ხელვაჩურის მუნიციპალიტეტის მერიამ მოუწყო. ასე ტრანსპორტირება ბევრად უადვილდება. ახალგაზრდა ფერმერი მომავალში სამეწარმეო საქმიანობის გაფართოვებას გეგმავს.
ფერმის გაფართოება, შესაძლებლობას მისცემს უფრო მეტი თანასოფლელი დაასაქმოს. ამბობს, რომ სოფელში პერსპექტივა გაცილებით დიდია, ვიდრე ნებისმიერ ქალაქში. თუმცა სოფლიდან ახალგაზრდობის ყოველდღიურადდინების ფაქტი გულს სტკენს.
ახლა აქ 1000 წიწილაა. მათ რეალიზაციას ფერ,ერი დაახლოებით ორ თვეში გეგმავს.