19, მარტი 2019 20:58:00
ქალაქი მაწანწალა ძაღლების თავშესაფრის გარეშე. პრობლემა, რომელიც დღემდე ვერ მოგვარდა. ცხოველთა უფლებადამცველებს საკითხის გადასაჭრელად სპეციალური სივრცის მოწყობის პროექტი მზად აქვთ. ჯერი ახლა მერიაზეა. გამონახავს თუ არა უწყება თანხებს მიუსაფარი ოთხფეხა მეგობრებისთვის?
ცხოველთა უფლებადამცველი ოთხფეხა მეგობრებისთვის რეკრეაციული ზონის მოწყობას წლებია ითხოვს. გულო ფუტკარაძე ამბობს, რომ თავშესაფარში გამოკეტვით მათი უფლებები უხეშად ირღვევა. მაწანწალა და უპატრონო ცხოველებისთვის სპეციალური სივრცის შექმნა მათ სიკვდილიანობას შეამცირებს.
პრობლემას ის ამწვავებს, რომ რეგიონში მხოლოდ ერთი, ისიც კერძო კომპანიის მიერ მოწყობილი დროებითი თავშესაფარია. გამოცემა „ფაქტ ჩეკის“ მიერ ჩატარებული კვლევის თანახმად, გამოიკვეთა, რომ თვითმართველობა საკითხის გადაჭრას არასათანადოდ უდგება.
ოპოზიციაში ფიქრობენ, რომ მაწანწალა ცხოველების თავშესაფარი ქალაქის ხელმძღვანელობამ დროულად უნდა ააშენოს. ლევან ანთაძე კონკურერენტუნარიანი ბაზრის შემქნის აუცილებლობაზეც საუბრობს.
კომპანია „სევერის“ მსგავსი თავშესაფრის მშენებლობის დაწყებაზე საუბრობს ბათუმის მერიის სანიტარული ზედამხედველობის განყოფილების უფროსი. თუმცა ნუგზარ ცეცხლაძე, კონკრეტულად როდის დაიწყება სამშენებლო პროცესი ვერ აკონკრეტებს. ისეთი სივრცის შექმნა, სადაც ძაღლებისთვის მუდმივი თავშესაფარში იქნება საკანონმდებლო ნორმა თვითმმართველობებს არ აძლევს ამის უფლებას.
გაითვალისწინებს თუ არა ბათუმის მერია არასამთავრობო ორგანიზაციის მოთხოვნას და მოეწყობა თუ არა რეგიონში მიუსაფარი ცხოველებისთვის სპეციალური სივრცე? ბათუმის მერს კითხვაზე კონკრეტული პასუხი არ აქვს.
„ფაქტ ჩეკის“ კვლევის მიხედვით, მუნიციპალიტეტებთან გაფორმებული ხელშეკრულებების თანახმად, მიმწოდებელმა მაწანწალა ცხოველების მოვლა-პატრონიბისა და პოპულაციის რეგულირების ღონისძიებები უნდა განახორციელოს. საუბარია ცხოველის დაჭერაზე, ვაქცინაციაზე, კვებაზე, დაბირკვაზე, მკურნალობასა და სხვა სერვისებზე. ბათუმში და ქალაქს შემოერთებულ ტერიტორიებზე დაახლოებით, 3 ათასამდე მაწანწალა ძაღლია.