19, მარტი 2019 20:02:00
სასულიერო პირების სამხედრო სამსახურში გაწვევასთან დაკავშირებით სესიაშვილის კანონპროექტი პარლამეტს დღეს უნდა განეხილა. თავდაცვის კომიტეტის თავმჯდომარე საკანონმდებლო ორგანოს სთავაზობს, გაუქმდეს ნორმა, რომლითაც მღვდელმსახურები სამხედრო სავალდებულო სამსახურის გადავადებით სარგებლობდნენ. სულხან მესხიძე შემოგვიეღთდება ახლა თემის დეტალებით და გვეტყვის, რატომ გადაიდო ინიციატივის განხილვა.
ირაკლი სესიაშვილის კანონპროექტის განხილვა პარლამენტში გადაიდო. დეპუტატის განცხადებით, ამის მიზეზი, პროექტის დახვეწის მიზნით, კონსულტაციებისა და მსჯელობის გაგრძელების აუცილებლობა გახდა. სესიაშვილი დარწმუნებულია, რომ პარლამენტმა კანონი უნდა მიიღოს, რადგან ფსევდო რელიგიური ორგანიზაციების გამო, რომლებიც დღეს არსებულ საკანონმდებლო რეალობას იყენებენ, ჯარში გაწვევა შესაძლოა, მთლიანად ჩავარდეს.
რელიგიური ექსტრემიზმის საფრთხედ აფასებს თავდაცვის კომიტეტის თავმჯდომარის ინიციატივას ოპოზიცია. მიაჩნიათ, რომ ირაკლი სესიაშვილის მიერ შეთავაზებული ფორმით კანონპროექტის მიღება არ შეიძლება, რადგან ის დისკრიმინაციულია.
სამხედრო სავალდებულო სამსახურთან დაკავშირებით მომზადებული კანონპროექტის განხილვის შეჩერებას გირჩი გამოეხმაურა. სწორედ გირჩის ბიბლიური თავისუფლება და ამ ორგანიზაციის მიერ ახალგაზრდების ჯარიდან გათავისუფლება გახდა ის ერთ-ერთი მთავარი მიზეზი, რის გამოც სესიაშვილმა საკანონმდებლო ინიციატივა წარადგინა. ზურაბ ჯაფარიძე ამბობს, რომ სესიაშვილმა სულელური კანონპროექტი დაწერა.
ცნობილი ხდება, რომ საქართველოში რელიგიური კონფესიების წარმომადგენლებმა სამხედრო სავალდებულო სამსახურის შესახებ ირაკლი სესიაშვილის ინიციატივის წინააღმდეგ კონსულტაციები უკვე დაიწყეს. „ქართველ მუსლიმთა კავშირის” თავმჯდომარეს მიაჩნია, რომ რელიგიური უმცირესობებისთვის სამხედრო სამსახურის გადავადების უფლების შეზღუდვა ადამიანების დისკრიმინაციაა.
სასულიერო პირების სამხედრო სამსახურში გაწვევის დისკუსიას დღეს საპატრიარქოც გამოეხმაურა. ოფიციალურ განცახდებაში ნათვამია, რომ სასულიერო პირების სავალდებულო სამხედრო სამსახურიდან განთავისუფლება საყოველთაოდ მიღებული პრაქტიკაა და მას მხარს უჭერენ.
შეგახსენებთ, საკანონდებლო ინიციატივის თანახმად, სამხედრო სავალდებულო სამსახურიდან გათავისუფლება მხოლოდ მართლმადიდებელ მღევდელმსახურებს შეეძლებათ.