ტურისტული ზონა, სადაც საპირფარეშოს პრობლემა დღემდე მოუგვარებელია. მახინჯაურში მცხოვრებლების თქმით, განსაკუთრებული დისკომფორტი ზაფხილში იქმნება, როცა ქალაქს დამთვალიერებლები სტუმრობენ. რატომ არ მოხდა აქამდე ჰიგიენის ოთახების მშენებლობა?
ლევან ბერიძე დაბა მახინჯაურში ცხოვრობს. ამბობს, რომ ტურისტულ ზონაში საპირფარეშოები არსად არ არის, რაც დისკომფორტს წარმოადგენს.
ლევანის მსგავსად ფიქრობენ სხვებიც. იმის გამო, რომ ტურისტული ზონა საკმაოდ დიდია, მათი თქმით, ჰიგიენის რამდენიმე ოთახი უნდა ფუნქციონირებდეს.
განსაკუთრებული პრობლემა იმ ტურისტებს ექმნებათ,რომლებიც მახინჯაურში კარვებით ჩადიან და ზღვის სანაპირო ზოლში ატარებენ დროს. ჰიგიენის ოთახების არარსებობის გამო, მათ რამდენიმე კილომეტრის გავლა უწევთ. აქ მცხოვრებლების თქმით, შესაბამისი ინფრასტრუქტურის მოწესრიგებაზე ბათუმის მერია არც კი ფიქრობს. დაპირებებს მხოლოდ, წინასაარჩევნოდ ისმენენ.
ირკვევა, რომ ბათუმის მერიაში, პრობლემის მოგვარების გზებზე არც კი უფიქრიათ. შესაბამისად თვითმმართველობის წარმომადგენლებს თემაზე საუბარი არ სურთ. ვიდრე უწყება დაბა მახინჯაურში შესაბამისი ინფრასტურის გამართვაზე დაიწყებს ფიქრს, მანამდე მოქალაქეებს კილომეტრების გავლა და ბუნებრივი მოთხოვნილებების დაკმაყოფილება ღია ცის ქვეშ, ბუნებაში მოუწევთ.
22
s
s
s