დღეს 21 მარტს კიედევ რამდენიმე თარიღი აღინიშნება. მათ შორის დაუნის სინდრომის საერთაშორისო დღე და ტყის საერთაშორისო დღე. პროფესიულ დღეს ზეიმობენ მეთოჯინეებიც.
გაერთიანებული ერების ორგანიზაციის ინიციატივით, 2011 წლის 21 მარტიდან დაუნის სინდრომის საერთაშორისო დღე აღინიშნება. საქართველო კამპანიას უკვე მერვედ შეუერთდა და მთავარ გზავნილს „არავინ დატოვო მიღმა“ წარმოადგენდა. ამ დღესთან დაკავშირებით, ბათუმის თოჯინებისა და მოზარდ მაყურებელთა თეატრში სპექტაკლის ,,ჩიტის მოტანილი ამბავი“ - პრემიერა გაიმართა.
დაუნის სინდრომის მქონე ბავშვებს უმასპინძლეს კლინიკა ,,მედინაშიც“. მათ სამედიცინო კვლევის ვაუჩერები გადაეცათ, სადაც ბავშვების ღირსებისა და უფლებების დაცვის შესახებ ისაუბრეს.
დაუნის სინდრომისა და ქართული ჟურნალისტიკის გარდა, 21 მარტს ტყის საერთაშორისო დღეც აღინიშნება. თარიღთან დაკავშირებით, ბათუმში, ანდრია პირველწოდებულის სახელობის სკოლის ეზოში 20 ძირი დიდყვავილა აბელია დარგეს. აქტივობა ბოტანიკური ბაღის ადმინისტრაციამ დაგეგმა. ღონისძიების მიზანია საზოგადოების ცნობიერების დონის ამაღლება და განადგურებული ტყის ტერიტორიის აღდგენა.
დღევანდელ დღეს ზეიმობენ მეთოჯინეებიც. თარიღის აღნიშვნა ირანელ მეთოჯინეს, ჟივიდა ზოლფაღარიჰოს სახელს უკავშირდება. ინიციატივა მან 2000 წელს მეთოჯინეების საერთაშორისო გაერთიანების მე-18 კონგრესზე შეიტანა. მეთოჯინეთა დღე მსოფლიოში და მათ შორის, ბათუმის თოჯინებისა და მოზარდ მაყურებელთა თეატრში, წელს მეთექვსმეტედ აღინიშნა.
21 მარტს, მესაზღვრეების დღეც აღინიშნება. პროფესიულ დღეს, საქართველოს შინაგან საქმეთა სამინისტროში წელს უკვე მეოცედ აღნიშნავენ.
6
s
s
s