25, მარტი 2019 17:13:00
შინაგან საქმეთა სამინისტროს ბათუმის მეორე განყოფილებაში მოქალაქემ მუცლის არეში თვითდაზიანება მიიყენა. 50 წლამდე კაცმა ცეცხლსასროლი იარაღიდან გაისროლა.
თვითდაზიანებამდე მან პოლიციის შენობის მიმდებარედ ადამიანი დაჭრა. ეს უკანასკნელი „მედ ცენტრში“ მოათავსეს, ხოლო პირი რომელმაც ორჯერ გაისროლა რეფერალურ საავადმყოფოშია გადაყვანილი.
ფაქტის შესახებ აჭარის პროკურატურამ გამოძიება უკვე დაიწყო. საქმე სისხლის სამართლის ორი თვითმკვლელობამდე მიყვანის და ცეცხლსასროლი იარაღის უკანონო შეძენა, შენახვა, ტარების მუხლით დაკვალიფიცირდა.
პროკურატურის პრესცენტრში სხვა დეტალებზე არ საუბრობენ. რეფერალური საავადმყოფოდან პაციენტის ჯანმრთელობის მდგომარეობის შესახებ ინფორმაცია არ მოგვაწოდეს.