რამდენად დაცულია მომხმარებელთა უფლებები კვების ობიექტებში? ანუ რას მივირთმევთ რესტორნებსა და კაფე ბარებში? ამას TV 25-ის მაყურებელი დაახლოებით 2 კვირაში გაიგებს. გადაცემა „სახალხო კონტროლი“ ჩვენს ეთერში აპრილიდან გავა.
TV 25 და „სახალხო კონტროლი“ თქვენს კვების ობიექტთან შესაძლოა ნებისმიერ წუთს გამოჩნდეს. გადამღებმა ჯგუფმა რესტორნისა და კაფე ბარის კარი შესაძლოა სულ რაღაც, 2 კვირაში შემოაღოს. იმას, რაც გაუფრთხილებელი სტუმრის კამერის ობიექტივში მოხვდება, TV 25-ის მაყურებელი იხილავს.
გაივლით თუ არა „სახალხო კონტროლს“ და მიიღებთ თუ არა შესაბამის სტიკერს? ყველასთვისკარგად ნაცნობი მადონა კოიძე და ლიზა ვადაჭკორია მონიტორინგს აჭარის 5-ვე მუნიციპალიტეტში არსებულ კვების ობიექტებში განახორციელებენ. არასამთავრობო ორგანიზაცია „ მომხმარებელთა ფედერაციის“ ხელმძღვანელი და ჟურნალისტი კვების ობიექტებს ძირითადად შემთხვევითობის პრინციპით შეარჩევენ:
პოპულარული პროექტი TV 25 ზე იგივე ფორმატით გავა. შემოწმდება კვების ობიექტები, სილამაზის სალონები, სტომატოლოგიური კლინიკები ასევე, სამედიცინო დაწესებულებები. გაკონტროლდება ჰიგიენის ნორმები.
„სახალხო კონტროლის“ დაწყების თარიღსა და დროს ჯერ ჯერობით სიურპრიზად ვიტოვებთ.
„სახალხო კონტროლი“ კვირაში ორჯერ გავა. ერთი გადაცემა მთლიანად აჭარას დაეთმობა, მეორე - დედაქალაქში მომსახურების სფეროში არსებულ მდგომარეობას შეეხება.
28
s
s
s