შაბათი 21, სექტემბერი 2019

მახინჯაურში ნაძვები გაჩეხეს

13, იანვარი 2017 11:25:00

ნაძვის ხეები გაჩეხეს მახინჯაურში, ყოფილი სანატორიუმის -"მზიურის" ტერიტორიაზე. სავარაუდოდ, აქაც ასწლოვანი ტიტას ხის ამოღების პროცედურებისთვის ემზადებიან. ნაძვების მოჭრით სწორედ ტიტამდე მისასვლელი მონაკვეთი გაათავისუფლეს. ბათუმის მერიის გამწვანებისა და ლანდშაფტური დაგეგმარების სამსახურში განმარტეს, რომ ტერიტორია კერძო საკუთრებას წარმოადგენს, შესამამისად უწყებისგან რაიმე სახის დოკუმენტაციის გაცემა აუცილებელი არ არის. ტერიტორიიდან ტიტას ხის გატანა რომ იგეგმება, ამას მუშები პირად საუბარში ადასტურებენ, თუმცა სატელევიზო კომენტარს არ აკეთებენ. კომპანია "ზიმოს" ინჟინერი ირაკლი შანავა ირწმუნება, რომ "მზიურის" ტერიტორიაზე სხვა კომპანია მუშაობს, თუმცა აქ დასაქმებულები  კონსულტაციებს მისგან იღებენ. შანავა ნაწილობრივ ადასტურებს, რომ აჭარაში მოთხრილი ყველა ხე ბიძინა ივანიშვილის დენდროლოგიურ პარკში გადადის.

 

 


დღის ამბები