28, მარტი 2019 20:03:00
ახლადრეაბილიტირებული თეატრი გუშინ სანდრო ენუქიძის სპეკტაკლით გაიხსნა. სცენაზე გაცოცხლებული დავით კლდიაშვილის ლიტერატურული მემკვიდრეობა გაცოცხლდა. „კლდიაშვილი ჯი“ ბათუმელმა მაყურებელმა დადებითად შეაფასა.
დავით კლდიაშვილის ლიტერატურულ მემკვიდრეობას სცენაზე რეჟისორი ანდრო ენუქიძე აცოცხლებს. სპეკტაკლი გვიჩვენებს როგორი ცუდია ცრურწმენებით გაჯერებული რწმენა, თუ რა მოაქვს ირაციონალურ წარმოდგენებზე დაფუძნებულ შიშებს, რომელსაც ადამიანი სისასტიკემდე მიყავს. ავტორი წუხს პრობლემების გამო და მთავარი მოწოდება, რაც სცენიდან კეთდება არის სწორედ ის, რომ ცვლილებების დროა.
სპეკტაკლში გამოყენებული ქართული ფოლკლორით, ასახულია ის ტკივილი და სიხარული, რაც დადგმის შინაარსს ფონად გასდევს. ცეკვა და მუსიკა სიცოცხლის და სიკვდილის, ბედნიერების და უბედურების ჭიდილს ასახავს.
განახლებული თეატრის სცენაზე ანდრო ენუქიძემ გადმოსცა დრამატული ამბავი სოფლისა, სადაც ადამიანების გონება სიღარიბის, უკიდურესი გაჭირვების, გაუნათებლობის გამო, მთლიანად სიბნელემ მოიცვა.
ეს არის ისტორია ანტონას ოჯახისა, რომელიც იმერეთის ღატაკ სოფელში ცხოვრობს.
ენუქიძის რეჟისორობით დადგმულმა სპეკტაკლმა „კლდიაშვილი“ .ჯი მაყურებლების მოწონება დაიმსახურა.
ბათუმის დრამატულ თეატრში სპექტაკლის საპრემიერო ჩვენებას მიწვეული სტუმრებიც ესწრებოდნენ. მათ შორის იყვნენ ქვეყნის პრეზიდენტი, პრემიერ-მინისტრი, აჭარის მთავრობის თავმჯდომარე და დარგის წარმომადგენლები. „KLDIASHVILI.GE“-ს და „ხანუმას“ ნახვა მსურველებს დღეიდან შეეძლებათ.