ფინანსთა სამინისტროს საგამოძიებო სამსახურმა ხელვაჩაურის მერიის თანამშრომელი დააკავა. ჩვენი ინფორმაციით, საქმე ახალშენის კულტურის სახლს ეხება.
ხელვაჩაურის მერმა დღეს კონკრეტულად არ გვითხრა, რის საფუძველზე დააკავეს ზედამხედველობის სამსახურში დასაქმებული. ჩვენი ინფორმაციით კი, ვარდმანიძის თანამშრომელის აყვანა ახალშენის კულტურის სახლის სააღრიცხვო დოკუმენტაციის არასწორად შევსებას უკავშირდება. სწორედ აღნიშნულ საკითხზე დაახლოებით ორი თვის წინ აუდიტის სამსახურმა კრიტიკული დასკვნა დადო. მაკონტროლებლის შესწავლით დგინდებოდა, რომ ინფრასტრუქტურული პროექტის განხორციელებისას მნიშვნელოვანი ხარვეზები დაფიქსირდა.
ფინანსთა სამინისტროს საგამოძიებო სამსახურის წარმომადგენლებმა საჯარო მოხელე იმ დროს დააკავეს, როცა იგი სამსახურეობრივ მოვალეობას ასრულებდა. ზედამხედველობის სამსახურის თანამშრომელს ბრალი საკუთარ კაბინეტში წარუდგინეს. ცნობისთვის მისი დაკავება მოსამართლის განჩინების საფუძველზე მოხდა.
ოპოზიცია პროცესში მაღალი თანამდებობის პირების ბრალეულობას ხედავს. „ნაციონალურ მოძრაობაში“ მიაჩნიათ, რომ მომხდარზე პასუხისმგებლობა მუნიციპალიტეტის მერმა უნდა აიღოს და რიგითი თანამშრომლების გაწირვა არ უნდა ხდებოდეს. საკრებულოს დეპუტატის მტკიცებით, ხელისუფლება კრიმინალურ მმართველობას ხელს აფარებს.
მე მაყურებელს აქვე ვეტყვი, რომ ხელვაჩაურის მერი ჯუმბერ ვარდმანიძე არ გამორიცხავს იმას, რომ საგამოძიებო პროცესში შესაძლოა კიდევ ვინმეს პასუხისმგებლობის საკითხი დადგეს. ჩვენ დღეს მუნიციპალიტეტის საკრებულოს თავჯდომარის და ზედამხედველობის სამსახურის უფროსის ჩაწერაც გვსურდა, თუმცა ნადიმ ვარშანიძე და გია ქურიძე სამსახურში არ დაგხვდა.
15
s
s
s