სამშაბათი 20, აგვისტო 2019

ზონალური საბჭოს გადაწყვეტილებები

02, აპრილი 2019 20:02:00

მოქალაქეთა ნაწილმა მაღლივი სახლების მშენებლობაზე და არსებულზე დაშენების უფლება ვერ მოიპოვა. ზონალური საბჭოს სხდომაზე დღეს რამდენიმე საკითხზე იმსჯელეს. რა გადაწყვეტილებები იქნა მიღებული?

ბათუმში, ფარნავაზ მეფის ქუჩის 98 - ნომერში, კომპანია ,,ბესთ ბილდინგ გრუპს“, მრავალბინიანი საცხოვრებელი სახლის არსებული პროექტით აშენებაზე, შესაძლოა უარი უთხრან. ზონალური საბჭო მშენებელს  ფასადების არსებული იერსახის შენარჩუნებას სთავაზობდა, თუმცა დეველოპერმა შეთავზება კომერციულად წამგებიანად მიჩნია და ისევ ძველი პროექტი წარადგინა.

კიდევ ერთი 8 სართულიანი კორპუსი შეიძლება აშენდეს ფალიაშვილის ქუჩის 16 ნომერში. საჭირო ნებართვისთვის კომპანია ,,ძმების სახლმა“ კულტურულ მემკვიდრეობას მიმართა. დეველოპერის მოთხოვნამ სხდომაზე საზოგადოება ,,ბათომის“ კრიტიკა გამოიწვია, რასაც მხარეებს შორის სიტყვიერი დაპირისპირება მოჰყვა. 

მოქალაქე ოთარ ჭეიშვილი, ჰაიდარ აბაშიძის ქუჩის 8 ნომერში, 545 კვ. მეტრზე, სასტურმოს აშენებას აპირებს, თუმცა მიწის ნაკვეთის სამშენებლო პირობების დამტკიცებაზე შესაძლოა საბჭომ საბოლოდ უარი უთხრას. იგივე ბედი შეიძლება გაიზიაროს  მოქალაქქ ნათია გოგაძის მეირ წარდგენილმა პროექტმაც. მას რუსთაველის ქუჩა №20-ში  სასტუმროს აშენება სურს.

რუსთაველის ქუჩის 10 ნომერში მცხოვრები მოსახლეობა, 5 სართულიან კორპუსზე მანსანდრის დაშენებას ითხოვდა, თუმცა საბჭო ხელოვნებათმცოდნეების დასკვნას დაეყრდნო და ადგილობრივებს მოთხოვნის დაკმაყოფილებაზე უარი უთხრეს.

ავთანდილ კოჩალიძეს კი ზუბალაშვილის №12-ში სამსართულიანი, მრავალფუნქციური ობიექტის აშენება სურს. ბაქოს ქუჩის 224 - ში, რვა სართულიანი კორპუსის მშენებლობისთვის საჭირო ნებართვას ითხოვდა კიდევ ერთი მოქალაქე. სხდომაზე განხილულ 12 საკითხს შორის, მრავალსართულიანი კორპუსის მშენებელობისთვის უმრაველობას უარი ეთქვა. 

ზონარლი საბჭოს ორი აპრილის შედეგები საბოლოოდ კვირის ბოლოს გახდება ცნობილი. 


დღის ამბები