08, აპრილი 2019 20:52:00
დასახლება ზღვისპირა სოფელში, რომელსაც ქობულეთის მერია ყურადღებას არ აქცევს. ციხისძირში მცხოვრებლები გზის მოწესრიგებას წლებია ითხოვენ. შიშობენ, რომ მოუწესრიგებელი ინფრასტრუქტურის გამო ზონა ტურისტებისთვის მიმზიდველი აღარ იქნება. პასუხისმგებელ უწყებაში კი დღეს ურთიერთგამომრიცხავ ვერსიებს ამტკიცებდნენ.
ციხისძირში მცხოვრებლები აქ სოფელში არსებული ინფრასტრუქტურული პრობლემების გამო შეიკრიბნენ. ამბობენ, რომ გზის მოწესრიგების დაპირებას ქობულეთის მერიის წარმოამდგენლებისგან წლების განმავლობაში წინასაარჩევნოდ ისმენდნენ.
პრობლემები თავს განსაკუთრებით უამინდობისას იჩენს. სოფელში გადაადგილება სასწრაფო სამედიცინო დახმარების ავტომობილებსაც უჭირთ. იმის გამო რომ გზა მოუწესრიგებელია, ადგილობრივებს სარგებლობა შემოვლითი გზით უწევთ.
ზღვისპირა სოფელში ბოლო წლებში ვიზიტორთა ნაკლებობის მიზეზად სწორედ ინფრასტრუქტურულ პრობლემებს უკავშირებენ.
პრობლემის მოგვარებას საკუთარ პრეროგატივად არ მიიჩნევენ პასუხისმგებელ უწყებაში. მერის წარმომომადგენელი ციხისძირის ადმინისტრაციულ ერთეულში განმარტავს, რომ ტერიტორია საავტომობილო გზების დეპარტამენტმა უნდა კეთილმოაწყოს.
აღმჩნდა, რომ უწყების თანამშრომლებს პრობლემის მოგვარების ერთიანი პოზიცია არ აქვთ. ურთიერთგამომრიცხავი ვერსიის მტკიცება მოუხდა მერიის ინფრასტრუქტურის სამსახურის უფროსს, რომელმაც თქვა, რომ გზას ეტაპობრივად მოაწყობენ.
აჭარის საავტომობილო გზების დეპარტამენტში კი სატელევიზიო კომენტარი არ გააკეთეს. სიტყვიერად კი განმარტეს, რომ გზის ნაწილი, რომლის მოწესრიგებაც მათი ვალდებულება იყო კეთილმოაწყვეს.