17, მარტი 2017 20:39:00
ყოფილი 25-ე ბატალიონის ტერიტორიაზე მცხოვრები ოჯახები აჭარის სოციალური მომსახურების სააგენტოს არაობიექტურობაში ადანაშაულებენ. მათი თქმით სოციალური აგენტების მიერ ადგილი აქვს ქულების არაობიექტურად მინიჭებას, რის საფუძველზეც მათ ფულადი და სხვადსხვა სოციალური პაკეტით დახმარება მოუხსნეს. დემოკრატიული ჩართულობის ცენტრში დღეს აღნიშნულ დასახლებაში მცხოვრები 9 ოჯახი შეიკრიბა. მათ შორის იყვნენ ისეთი ოჯახები, რომლებსაც სოციალური დახამრება საერთოდ არ მიუღიათ. ისინი შესაბამის სამსახურებს დახამრებისკენ მოუწოდებენ. აღნიშნული ოჯახების ბრალდებას დღეს ბათუმის სოციალური მომსახურების ცენტრის უფროსმა უპასუხა. ნოდარ ფუტკარაძის თქმით მათი საქმეების ხელახალი გადახედვა იმ შემთხევაში მოხდება, თუკი ამის საფუძველი იქნება.