17, მარტი 2017 20:41:00
ბათუმში საპროტესტო აქციაზე საპატრულო პოლიციის დაზიანებული მანქანების ზარალს სადაზღვევო კომპანია „ჯი პი აი“ ჰოლდინგი აანაზღაურებს. რა რაოდენობისაა ზარალი, რომლის ანაზღაურებაც კომპანიას მოუწევს ამ ეტაპზე უცნობია. საპატრულო პოლიციის ავტომობილებთან ერთად აქციაზე აჭარის უმაღლესი საბჭოს ერთი დეპუტატის ავტომობილი დაიწვა, ხოლო ერთი დაზიანდა. საკანონმდებლო ორგანოს ავტომობილებს სადაზღვევო კომპანია „ქართუ“ აზღვევს. შინაგან საქმეთა სამინისტროს ინფორმაციით 11-12 მარტს ბათუმში აქციის შედეგად, სამართალდამცველების 5 ავტომობილი დაზიანდა. რაც შეეხება ქალაქის ინფრასტრუქტურას, მერიის ინფორმაციით არეულობის შედეგად მიყენებული ზარალი 150 000 ათას ლარამდე აღწევს.
7
s
s
s