16, აპრილი 2019 20:01:00
ვენეციის კომისიის დასკვნა ცნობილია. საქმე უზენაესი სასამართლოს მოსამართლეობის კანდიდატების შერჩევის წესს ეხება. რა წერია დოკუმენტში, რომელიც დღეს გამოქვეყნდა? თემაზე სულხან მესხიძე მუშაობდა.
ვენეციის კომისიის შეფასებით, უზენაესი სასამართლოს მოსამართლეობის კანდიდატების შერჩევისას, იუსტიციის უმაღლეს საბჭოში ფარული კენჭისყრა უნდა გაუქმდეს. 14-გვერდიან დოკუმენტი დღეს გამოქვეყნდა, რომელშიც ასევე ნათქვამია, რომ მოსამართლეების დანიშვნის მეთოდი არ უნდა იყოს პოლიტიკურ ან პირად შეხედულებებზე დაფუნებული.
რას გაითვალისწინებს და რას არა საპარლამენტო უმრაველსობა ვენეციის კომისიის რეკომენდაციებიდან ? პარლამენტის თავმჯდომარე ამბობს, რომ გამოცდა მოსამართლეობის კანდიდატებისთვის, შესაძლოა, კრიტერიუმებიდან ამოიღონ.
მთლიანობაში კი ვენეციის კომიიის დასკვნას პარლამენტის თავმჯდომარე დადებითს უწოდებს. თუმცა გუნდის საბოლოო პოზიცია ირაკლი კობახიძე მას შემდეგ გაახმოვანებს, რაც საპარლამენტო უმრავლესობაში კონსულტაციები დასრულდება.
ეკა ბესელია კი, რომელიც ქართულ ოცნებას სწორედ მოსამართლეების თემის გამო, დაუპირისპირდა, ამბობს, რომ ვენეციის კომისიის რეკომენდაციებში მძიმე შეფასებები და ძალიან ბევრი კრიტიკაა, რომლის გაუთვალისწინებლობასაც ცუდი შედგები მოჰყვება.
ეს სერიოზული დარტყმაა ხელისუფლებისთვის - ასე აფასებს ვენეციის კომისიის დასკვნას ოპოზიცი. მათი თქმით, დასკვნაში ყველა ის კრიტიკა და შენიშვნა აისახა, რომელიც ოპოზიციას და არასამთავრობო სექტორს ირაკლი კობახიძის ხელმძღვანელობით დაწერილ კანონპროექტთან დაკავშირებით ჰქონდათ.
ვენეციის კომისიის რეკომენდაციებზე მსჯელობა საკანონმდებლო ორგანოში ხვალიდან დაიწყება. რეკომენდაციები ჯერ კანონპპროექტში უნდა აისახოს, რის შემდეგაც პარლამენტი მას მეორე მოსმენით სესიაზე განიხილავს.